గూడ్స్ రైలు కింద ఓ పిల్లాడు చిక్కుకున్నాడు.. ఏమైందంటే? (video)

గూడ్స్ రైలు కింద ఓ పిల్లాడు చిక్కుకున్నాడు. ఆ గూడ్స్ రైలు పిల్లాడిపై నడుచుకుంటూ పోయింది. కొంతదూరంలో ఓ పిల్లాడు పట్టాలపై ఆడుకుంటూ కనిపించాడు. హారన్ గట్టిగా మోగించినా పక్కకు తప్పుకోలేదు. అతడిని ఎలాగైనా కాపాడాలని ఎమర్జెన్సీ బ్రేకులు వేశారు లోకో పైలట్లు. ట్రైన్ కాస్త దూరం వెళ్లి ఆగిపోయింది. కానీ అప్పటికే బాబు మీద నుంచి వెళ్లిపోయింది.

రైలు ఆగిన వెంటనే ఇంజిన్ నుంచి ఇద్దరు లోకో పైలట్లు దిగి పట్టాలను పరిశీలించారు. ఇంజిన్ కింది భాగంలో చిక్కుకుపోయిన పిల్లాడు.. ఏడుస్తూ.. భయపడుతూ కనిపించాడు. అంతేతప్ప ఎలాంటి గాయాలు కాలేదు. క్షేమంగానే ఉన్నాడు. ఇంజిన్ కింద భాగంలో ఉండిపోయిన బాలుడిని లోకో పైలట్లు చాకచాక్యంగా బయటకు తీసి కుటుంబ సభ్యులకు అప్పగించారు. 

ఈ ఘటన హర్యానాలోని ఫరీదాబాద్ జిల్లా బల్లాబ్‌గఢ్ రైల్వే స్టేషన్ సమీపంలో జరిగింది. 14 ఏళ్లు బాలుడు రెండేళ్ల తన తమ్ముడితో కలిసి ఆడుకున్నాడు. ఆ తర్వాత అతడు వెళ్లిపోవడంతో.. రెండేళ్ల బాలుడు నడుచుకుంటూ పట్టాలపైకి చేరుకున్నాడు. అదే సమయంలో రైలు దూసుకొచ్చింది. లోకో పైట్ల ధీవన్, అతుల్ చాకచక్యంగా బ్రేకులు వేయంతోనే ప్రమాదం తప్పిందని స్థానికులు తెలిపారు.