ఓ ప్రచార కార్యక్రమంలో భాగంగా బాలీవుడ్ నటి సోనం కపూర్ ధరించిన డైమండ్ నెక్లెస్ రాత్రికి రాత్రి మాయమయ్యింది. అది చోరికి గురైనట్లు ఆమె పోలీసులకు ఫిర్యాదు చేశారు. తన ఇంట్లోంచే దానిని దొంగలు ఎత్తుకెళ్లినట్లు ఫిర్యాదు పత్రంలో ఆమె తెలిపారు. వివరాలిలా ఉన్నాయి.
బాలీవుడ్ నటి సోనమ్ కపూర్ ఈనెల 4న రాత్రి బాంద్రాలో ఒక కార్యక్రమానికి హాజరైనప్పుడు ఐదున్నర లక్షల రూపాయల విలువైన వజ్రాల హారం ధరించింది. ప్రచారంలో భాగంగా దీన్ని ధరించాల్సి వచ్చింది. రాత్రి బాగా పొద్దుపోవడంతో నగల దుకాణదారునికి అప్పగించకుండానే ఇంటికి వచ్చేసింది.
తిరిగి నగల దుకాణదారుకి అప్పగిద్దామని మరుసటి రోజు ఉదయం వెదకగా... హారం కనిపించలేదు. దీంతో ఆమె జుహు పోలీసులకు ఫిర్యాదు చేసింది. పోలీసులు కేసు నమోదు చేసి దర్యాప్తు చేస్తున్నారు.