విశాల్‌, శ్రుతి హాసన్ 'పూజ'కు బిజినెస్‌ క్రేజ్‌...

విశాల్‌ ఫిల్మ్‌ ఫ్యాక్టరీ పతాకంపై హీరో విశాల్‌ నటిస్తూ నిర్మిస్తున్న హై ఓల్టేజ్‌ యాక్షన్‌ ఎంటర్‌టైనర్‌ 'పూజ'. యాక్షన్‌ చిత్రాలు రూపొందించడంలో తనకంటూ ఓ స్పెషాలిటీని ఏర్పరుచుకున్న హరి దర్శకత్వంలో ఈ చిత్రం రూపొందుతోంది. శృతిహాసన్‌ హీరోయిన్‌గా నటించిన ఈ చిత్రం అక్టోబర్‌ 22న తెలుగు, తమిళ భాషల్లో ఒకేరోజు రిలీజ్‌ కాబోతోంది. 

ఈ సందర్భంగా హీరో, నిర్మాత విశాల్‌ మాట్లాడుతూ - ''ఇటీవల విడుదలైన ఈ చిత్రం ఆడియో చాలా మంచి స్పందన వస్తోంది. యువన్‌ శంకర్‌రాజా చేసిన సంగీతం చాలా పాపులర్‌ అయింది. త్వరలోనే ఈ చిత్రం ప్లాటినం డిస్క్‌ ఫంక్షన్‌ను చేయబోతున్నాం. ఈ చిత్రానికి బిజినెస్‌పరంగా మంచి క్రేజ్‌ వచ్చింది. హరి కాంబినేషన్‌లో 'పూజ' నాకు మరో సూపర్‌హిట్‌ చిత్రం అవుతుంది'' అన్నారు.

ఎగ్జిక్యూటివ్‌ ప్రొడ్యూసర్‌ వడ్డి రామానుజం మాట్లాడుతూ - ''బిజినెస్‌పరంగా ఈ చిత్రానికి చాలా పెద్ద ఆఫర్స్‌ వస్తున్నాయి. అన్ని ఏరియాల నుండి బయ్యర్స్‌ ఈ చిత్రం కోసం పోటీ పడటం విశేషం. నైజాంలో గ్లోబల్‌ పిలింస్‌ సునీల్‌, కృష్ణా, గుంటూరు, నెల్లూరు ఏరియాల్లో హరి పిక్చర్స్‌ హరి, వైజాగ్‌ ఏరియాలో వి.బి.ఎం.రెడ్డి ఈ చిత్రాన్ని విడుదల చేస్తున్నారు. సినిమా చాలా అద్భుతంగా వచ్చింది. విశాల్‌ కెరీర్‌లోనే 'పూజ' బిగ్గెస్ట్‌ హిట్‌ అవుతుంది'' అన్నారు. 

విశాల్‌ సరసన శృతిహాసన్‌ హీరోయిన్‌గా నటిస్తోన్న ఈ చిత్రంలో సత్యరాజ్‌, రాధిక, అభినయ, జయప్రకాష్‌, మనోబాల, తదితరులు ఇతర ముఖ్యపాత్రలు పోషిస్తున్నారు. ఈ చిత్రానికి సంగీతం: యువన్‌శంకర్‌ రాజా, సినిమాటోగ్రఫీ: ప్రియన్‌, మాటలు: శశాంక్‌ వెన్నెలకంటి, ఫైట్స్‌: కనల్‌ కణ్ణన్‌, ఎగ్జిక్యూటివ్‌ ప్రొడ్యూసర్‌: వడ్డి రామానుజం, నిర్మాత: విశాల్‌, కథ, స్క్రీన్‌ప్లే, దర్శకత్వం: హరి.