నాని, అమలా పాల్, రాగిణి ద్వివేది హీరో హీరోయిన్స్‌గా శంబో శివశంబో వంటి సూపర్ హిట్ చిత్రాన్ని రూపొందించిన సముద్రఖని దర్శకత్వంలో రామ్మోహన్ రావు సమర్పణలో మల్టీ డైమన్షన్ ప్రై లి. పతాకంపై రజత్ పార్థసారధి, ఎస్ శ్రీనివాసన్‌లు సంయుక్తంగా నిర్మిస్తున్న చిత్రం జెండాపై కపిరాజు ఇటివలే సెన్సార్ కార్యక్రమాలను పూర్తిచేసుకున్న త్వరలో విడుదలకు సిద్ధమయ్యింది.
ఈ సందర్భంగా వాసు మాట్లాడుతూ... ఈ సినిమా అన్ని కార్యక్రమాలు పూర్తిచేసుకుంది. ఇటివలే సెన్సార్ కార్యక్రమాలు కుడా పూర్తయ్యాయి. ఇప్పటికే ప్రమోషన్ ప్రారంభించాము. ఈ నెల 21న విడుదలకు సన్నాహాలు చేస్తున్నాం అన్నారు. హీరో నాని మాట్లాడుతూ .. ఈ సినిమాలో నటించడం చాలా ఆనందంగా ఉంది. ప్రతి సినిమాకు కష్టపడిన దానికంటే కుడా ఈ సినిమాకు ఎక్కువగా కష్టపడ్డాను. ఈ సినిమాలో ద్విపాత్రాభినయం చేస్తున్నాను. అయితే ఈ సినిమా ప్రివ్యు చూసుకున్న తరువాత చాలా గర్వంగా ఫీలయ్యాను. తప్పకుండా ఈ సినిమాతో నాకు మంచి గుర్తింపు వస్తుంది. ఇంత మంచి అవకాశం ఇచ్చిన సముద్రఖని గారికి థాంక్స్ అన్నారు.