తమిళంతోపాటు తెలుగులో ఏక కాలంలో రూపొందిన రొమాంటిక్‌ హారర్‌ ఎంటర్‌టైనర్‌ 'ఆ ఇంట్లో దెయ్యం ఉందా?'. శరత్‌ సెల్వన్‌, వర్షా పాండే, అస్మిత హీరోహీరోయిన్లుగా- యువన్‌ దర్శకత్వంలో.. భరత్‌ టాకీస్‌ పతాకంపై యువ నిర్మాత టి.భరత్‌కుమార్‌ ఈ చిత్రాన్ని నిర్మిస్తున్నారు. అన్ని కార్యక్రమాలు పూర్తిచేసుకున్న ఈ చిత్రం ఈ నెల 13న ప్రేక్షకుల ముందుకు రానుంది.
ఈ సందర్భాన్ని పురస్కరించుకొని చిత్ర నిర్మాత టి. భరత్‌కుమార్‌ మాట్లాడుతూ.. 'హారర్‌ ఎంటర్‌టైనర్స్‌కు మన ప్రేక్షకులు ఎప్పుడూ బ్రహ్మరథం పడుతుంటారు. 'ఆ ఇంట్లో దెయ్యం ఉందా' చిత్రానికి కూడా ఘన విజయం అందిస్తారనే నమ్మకముంది. ఆద్యంతం ఉత్కంఠభరితంగా సాగే చిత్రమిది. సెన్సార్‌ సహా అన్ని కార్యక్రమాలు పూర్తి చేసుకున్న ఈ చిత్రాన్ని ఈ నెల 13న విడుదల చేస్తున్నాం' అన్నారు.