అతి తెలివి లాయర్ క్రాస్ ఎగ్జామిన్...

దొంగతనం కేసు నుంచి తన క్లయింట్‌ను కాపాడేందుకు హోరాహోరీగా వాదిస్తున్నాడు ఓ లాయర్.

బోనులో నిలుచునివున్న సాక్షిని వీరలెవల్లో క్రాస్ ఎగ్జామిన్ చేస్తున్నాడు.

"నా క్లయింట్ దొంగతనం చేశాడని ఎలా చెప్పగలవు?" అని సాక్షిని అడిగాడు లాయర్. 

"రాత్రి షట్టర్ పగలకొట్టి షాపులోకి వెళ్ళడం నా కళ్లారా చూశాను"అన్నాడు బోనులో ఉన్నసాక్షి.

"మరి అతను బయటికి రావడం చూశావా?" అని అడిగాడు లాయర్.

"లేదు" అని సమాధానమిచ్చాడు బోనులో ఉన్నసాక్షి.

"చూశారా మిలార్డ్, సాక్షి చెప్పినదాన్నిబట్టి చూస్తే నా క్లయింట్ ఇంకా షాపులోనే ఉండాలి. కానీ ఇప్పుడతను మీ ఎదుటే ఉన్నాడు. కాబట్టి ఈ సాక్షి చెబుతోంది అబద్ధమని తెలుస్తుంది" అంటూ అతి తెలివితో వాదించాడూ లాయర్.