బాలీవుడ్ నటి జరీన్ ఖాన్ ఓ వ్యక్తి చెంప పగులగొట్టింది. ఆమె వక్షోజాలను తాకేందుకు ప్రయత్నించడంతో ఆమె తన చేయికి పని చెప్పింది. ఈ వివరాలను పరిశీలిస్తే.. మహారాష్ట్రలోని ఔరంగాబాద్‌లో ఓ షాపు ప్రారంభోత్సవానికి జరీన్ ఖాన్ ముఖ్యఅతిథిగా వెళ్లింది.
హీరోయిన్ వస్తుందన్న విషయం తెలుసుకున్న స్థానికులు భారీ సంఖ్యలో తరలి వచ్చారు. చివరకు ఆమె కారు దిగేందుకు సైతం శ్రమించాల్సివచ్చింది. ఆసమయంలో ఓ వ్యక్తి ఆమె వక్షోజాలను తాకేందుకు ప్రయత్నించాడు. దీన్ని గమనించిన జరీన్ ఖాన్... ఎవరూ ఊహించని విధంగా అతని చెంప పగులగొట్టింది. ఆ తర్వాత గుంపును దాటుకుని పరుగులు తీసింది.
ఇంతలో విషయం తెలుసుకున్న పోలీసులు గుంపును చెదరగొట్టేందుకు తమ లాఠీలకు పని చెప్పారు. కాగా, ఇటీవల గోవాలో జరీన్ ఖాన్ ప్రయాణిస్తున్న కారు ఓ ద్విచక్ర వాహనాన్ని ఢీకొన్న ఘటనలో ఒకరు మృతి చెందిన విషయం తెల్సిందే. ఈ ప్రమాదానికి సంబంధించి ఆమెపై కేసు నమోదైవుంది.