గల్లా జయదేవ్‌కు షాక్... జగనే ముఖ్యమంత్రి అంటున్న సూపర్ స్టార్ కృష్ణ
సూపర్ స్టార్ కృష్ణ చేసిన వ్యాఖ్యలు ఇప్పుడు తెలుగుదేశం పార్టీలో ప్రకంపనలు సృష్టిస్తున్నాయి. మరీ ముఖ్యమంగా మహేష్ బాబు బావ అయిన గల్లా జయదేవ్‌కు ఇది మరీ షాకింగే. ఇంతకీ విషయం ఏంటయా అంటే... వైఎస్ జగన్ మోహన్ రెడ్డి వచ్చే 2019 ఎన్నికల్లో ఘన విజయం సాధించి ముఖ
సూపర్ స్టార్ కృష్ణ చేసిన వ్యాఖ్యలు ఇప్పుడు తెలుగుదేశం పార్టీలో ప్రకంపనలు సృష్టిస్తున్నాయి. మరీ ముఖ్యమంగా మహేష్ బాబు బావ అయిన గల్లా జయదేవ్‌కు ఇది మరీ షాకింగే. ఇంతకీ విషయం ఏంటయా అంటే... వైఎస్ జగన్ మోహన్ రెడ్డి వచ్చే 2019 ఎన్నికల్లో ఘన విజయం సాధించి ముఖ్యమంత్రి అవుతారని ఆయన వ్యాఖ్యానించడమే.
జగన్ మోహన్ రెడ్డి తలపెట్టిన ప్రజా సంకల్ప యాత్రకు జనం భారీగా తరలి వస్తున్నారనీ, ఇలాంటి స్పందనే వైఎస్ రాజశేఖర రెడ్డి చేసిన పాదయాత్రకు కూడా వచ్చిందని అన్నారు. జగన్ పాదయాత్ర చూస్తుంటే వైఎస్సార్ పాదయాత్రలా అనిపిస్తోందని అన్నారు. జగన్ మోహన్ రెడ్డిలో కష్టపడే తత్వం, పట్టుదల వున్నాయనీ, అనుకున్నది సాధించే వరకూ విశ్రమించని నాయకుడు జగన్ అని పొగడ్తలు కురిపించారు.
తకు వైఎస్ రాజశేఖర్ రెడ్డితో మంచి సంబంధాలు వుండేవనీ, తను ఎంపీగా ఉన్న సమయంలోనే వైఎస్సార్ కూడా ఎంపీగా వున్నారనీ, అప్పట్లో తామిద్దరం ఎన్నో విషయాలపై చర్చించుకునేవారమని గుర్తు చేసుకున్నారు. ఏదేమైనప్పటికీ సూపర్ స్టార్ కృష్ణ చేసిన వ్యాఖ్యలు ఇప్పుడు చర్చనీయాంశంగా మారాయి. మరోవైపు మహేష్ బాబుకు బావ అయిన గల్లా జయదేవ్ తెదేపా ఎంపీగా వున్నారు. మరి ఈ వ్యాఖ్యలపై ఆయన ఎలా స్పందిస్తారో చూడాలి.