సూప‌ర్ స్టార్ ర‌జ‌నీకాంత్ - గ్రేట్ డైరెక్టర్ శంక‌ర్ కాంబినేష‌న్లో రూపొందిన సెన్సేష‌న‌ల్ మూవీ 2.0. భార‌త‌దేశంలో అత్యంత భారీ బ‌డ్జెట్ 600 కోట్ల‌తో రూపొందిన ఈ సినిమా ట్రైల‌ర్‌ను ఇటీవ‌ల రిలీజ్ చేసారు. హాలీవుడ్ మూవీని చూసిన ఫీల్ క‌లిగిస్తోన్న ఈ ట్రైల‌ర్ సినిమాపై అంచ‌నాల‌ను అమాంతం పెంచేసింది. ఈ సినిమా నాలుగు సంవ‌త్స‌రాల పాటు సెట్స్ పైన ఉంది. అయినా... ఈ సినిమాపై క్రేజ్ ఏమాత్రం త‌గ్గ‌లేదు. చాలా రీషూట్లు చేసాడు శంక‌ర్. బ‌డ్జెట్ 600 కోట్లు అవ్వ‌డానికి ఇదే ప్ర‌ధాన కార‌ణం.
ఇక అస‌లు విష‌యానికి వ‌స్తే... ఈ క‌థ‌ని శంక‌ర్ మూడుసార్లు మార్చాడ‌ట. దీంతో రీషూట్ల మీద రీషూట్లు చేసుకుంటూ వెళ్లాల్సి వ‌చ్చింది. రెహ‌మాన్ కూడా ఈ సినిమా కోసం మూడుసార్లు రీ-రికార్డింగ్ కూడా మార్చాల్సివ‌చ్చింది. అంటే.. ఎడిటింగ్ కూడా కంప్లీట్ అయిన త‌ర్వాత కొత్త సీన్ రాసార‌న్న‌మాట. నాలుగేళ్లుగా క‌థ‌లో మార్పులు చేస్తూనే ఉన్నార‌న్న‌మాట. శంక‌ర్ గ‌త చిత్రం ఐ సినిమా డిజాస్ట‌ర్ అయ్యింది. దీంతో 2.0 సినిమాపై మ‌రిన్ని జాగ్ర‌త్త‌లు తీసుకున్నాడు. మ‌రి.. ఈ అతి జాగ్ర‌త్త ఎలాంటి ఫ‌లితాన్ని అందిస్తుందో..?