వివాదాస్పద ట్వీట్లకు కేరాఫ్ అడ్రస్‌గా మారిన దర్శకుడు రాంగోపాల్ వర్మ మరోమారు తన ట్వీట్లతో వార్తలకెక్కాడు. ఈ దఫా ఆయన ఇద్దరు మాజీ ప్రధానులనుద్దేశించి వివాదాస్పద ట్వీట్స్ చేశారు. బ్యాక్ బెంచర్స్ స్కూల్లోన
వివాదాస్పద ట్వీట్లకు కేరాఫ్ అడ్రస్‌గా మారిన దర్శకుడు రాంగోపాల్ వర్మ మరోమారు తన ట్వీట్లతో వార్తలకెక్కాడు. ఈ దఫా ఆయన ఇద్దరు మాజీ ప్రధానులనుద్దేశించి వివాదాస్పద ట్వీట్స్ చేశారు. బ్యాక్ బెంచర్స్ స్కూల్లోనైనా, పార్లమెంటులోనైనా చెడ్డవారేనంటూ వ్యాఖ్యానించారు.
పార్లమెంట్‌లో మాజీ ప్రధాని వాజ్‌పేయ్, పీవీ.నరసింహారావు, సోనియా గాంధీ ఉన్న పాత ఫోటోని ఫేస్‌బుక్‌లో పోస్ట్ చేశాడు. ఈ ఫోటోలో సోనియా ముందు వరుసలో మిగతా వారంతా ఆమె వెనుక బెంచ్‌‌లో కూర్చొన్నారు. ఈ ఫోటోపై తనదైన శైలిలో స్పందించి హడావుడి చేశాడు. బ్యాక్ బెంచర్స్ స్కూల్లోనైనా, పార్లమెంటులో అయినా చెడ్డవారేనని చెప్పుకొచ్చాడు. అంతటితో ఆగని ఈ వివాదరాయుడు ఫోటోలో కనిపించే ముగ్గురు ఎవరో తనకు తెలియదని.. కానీ ఒకరిని మించి మరొకరు చెడ్డవారిలా కనిపిస్తున్నారని వ్యాఖ్యానించాడు.
ఇదే ఫోటోని రెండోసారి ఫోస్ట్ చేసి.. మహిళలను అగౌరవంగా చూసే భారతీయ పురుషుల స్వభావాన్ని ఈ ఫోటో తెలియజేస్తోందని, ఫోటోలో ఉన్న వ్యక్తులెవరో పోలీసులు విచారణ జరపాలని డిమాండ్ చేశారు.
మరోసారి(మూడోసారి) ఇదే ఫోటోని పోస్ట్ చేసి.. ఫోటోలో ఉన్న ముగ్గురు వ్యక్తులు ఎవరైనప్పటికీ లక్షణంగా, హుందాగా ఉన్న ఓ మహిళపై డర్టీ జోక్స్ వేయడం తనను షాక్‌కు గురిచేసిందని వ్యాఖ్యానించాడు. చిత్రంలో మాజీ ప్రధానులు వాజుపేయ్, పీవీ.నరసింహరావు, కాంగ్రెస్ ప్రస్తుత అధ్యక్షురాలు సోనియాగాంధీ ఉండడంతో వర్మ ఫేస్‌బుక్ పోస్ట్‌పై నెటిజన్లు భిన్నమైన రీతిలో స్పందిస్తున్నారు.