మాస్ సినిమా అనగానే... ఈ కాలంలో గుర్తుకువచ్చే డైరెక్టర్ వి.వి.వినాయక్. అభిరుచి గల నిర్మాత రాజును దిల్ సినిమాతో దిల్ రాజు చేసేసారు. అప్పటి నుంచి నిర్మాత దిల్ రాజు - దర్శకుడు వినాయక్ ఇద్దరి మధ్య మంచి అనుబంధం ఏర్పడింది. అయితే... ఎందుకు అనిపించిందో ఏమో కానీ... వినాయక్‌ని హీరోగా పెట్టి సినిమా తీయాలనిపించింది దిల్ రాజుకు.
అంతే... వినాయక్‌కి ఓ రోజు ఈ విషయం చెప్పడం... వినాయక్ కూడా ఓకే అనడం జరిగింది. అంతేనా... శీనయ్య అనే టైటిల్‌తో సినిమాని గ్రాండ్‌గా స్టార్ట్ చేయడం కూడా జరిగింది. అయితే వీళ్లు ఎంత ఫాస్ట్‌గా ఆ ప్రాజెక్టును సెట్స్ పైకి తీసుకొచ్చారో అంతే ఫాస్ట్‌గా అది సైడ్ ట్రాక్ లోకి కూడా వెళ్లిపోయింది. ఎందుకు ఈ ప్రాజెక్ట్ సైడ్‌కి వెళ్లిపోయిందంటే... అనేక కారణాలు.
కథ సరిగా లేదని.. డైరెక్టర్ చెప్పింది వినాయక్‌కి నచ్చడం లేదని... ఇప్పటి వరకు షూట్ చేసిన రష్ చూసుకుంటే సరిగా రాలేదని... ఇలా చాలా కారణాలు వున్నాయి కానీ... అసలు ఈ సినిమా ఉందా..? లేదా..? అనేది మాత్రం అఫిషియల్‌గా ఎలాంటి ఎనౌన్స్‌మెంట్ రాలేదు. అయితే.. క్లారిటీ లేని ఈ సినిమా గురించి శీనయ్య అదేనండి వినాయక్ స్పందించాడు.
ఇంతకీ ఏమన్నాడంటే... శీనయ్య సినిమా వస్తుందా అని అడిగితే... ఏమో ఎవడికి తెలుసంటూ సెటైరిక్‌గా సమాధానమిచ్చాడు వినాయక్. తను కేవలం బరువు తగ్గడం కోసమే ఆ సినిమా ఒప్పుకున్నానని.. తనకు మాత్రం తృప్తిగా ఉందన్నాడు. ఈ విధంగా శీనయ్య సినిమా రాదనే విషయాన్ని చెప్పకనే చెప్పాడు.