బిగ్ బాస్ నాలుగో సీజన్‌కు హోస్ట్‌గా మళ్లీ ఆయనే వస్తారా? (Video)

బిగ్ బాస్ మూడో సీజన్ ఇప్పటికే ముగిసిన నేపథ్యంలో.. నాలుగో సీజన్‌పై అప్పుడే ప్రచారం మొదలైంది. స్టార్ మాలో ప్రసారం అయిన బిగ్ బాస్ మూడు సీజన్స్ విజయవంతంగా పూర్తి కావడంతో నాలుగో సీజన్‌పై నిర్వాహకులు జోరుగా ప్రచారం సాగుతోంది. నాలుగో సీజన్‌కు యంగ్ టైగర్ ఎన్టీఆర్ హోస్ట్‌గా వ్యవహరిస్తారని టాక్ వస్తోంది. 

తొలి సీజన్‌కు ఎన్టీఆర్ రెండో సీజన్‌కు నాని, మూడో సీజన్‌కు నాగార్జున హోస్ట్‌గా వ్యవహరించారు. తొలి సీజన్ మంచి హిట్ కావడంతో ఎన్టీఆర్‌నే రంగంలోకి దించాలని.. అప్పుడే నాలుగో సీజన్ అదరగొడుతుందని నిర్వాహకులు భావిస్తున్నారు. 

ఎన్టీఆర్‌గా హోస్ట్‌గా ఉన్న మొదటి సీజన్‌కు రేటింగ్స్ ఎంతో అద్భుతమైన రీతిలో లభించాయి, దానితో పోలిస్తే నాని హోస్ట్‌గా ఉన్న సీజన్ 2కు మాత్రం అంత ఎక్కువ రేంజ్‌లో రేటింగ్స్ అయితే రాలేదు. ఇక ఇటీవల నాగార్జున హోస్ట్‌గా ఉన్న మూడవ సీజన్‌కు కూడా మళ్ళి రేటింగ్స్ పుంజుకున్నాయి.

మొత్తం 17 మంది పార్టిసిపెంట్స్ పాల్గొన్న ఈ సీజన్ లో చివరికి విజేతగా రాహుల్ సిప్లిగంజ్ నిలిచాడు. ఇకపోతే వచ్చే ఏడాది ప్రారంభం కాబోయే సీజన్ 4 కోసం మరోసారి ఎన్టీఆర్‌ని హోస్ట్‌గా తీసుకునేలా స్టార్ మా ఛానల్ వారు ప్లాన్ చేస్తున్నట్లు టాక్ వస్తోంది. 

ప్రస్తుతం రాజమౌళి తెరకెక్కిస్తున్న భారీ హిస్టారికల్ మూవీ ఆర్ఆర్ఆర్‌లో నటిస్తున్న ఎన్టీఆర్, జూన్‌కు కాస్త ఫ్రీ అవుతారు కాబట్టి.. ఆయన్ని ఒప్పించి షోను నడపాలని నిర్వాహకులు కసరత్తులు చేస్తున్నారు.