రైతుగా న‌టించ‌బోతున్న డైన‌మిక్ డైరెక్ట‌ర్. ఇంత‌కీ ఎవ‌రా డైరెక్ట‌ర్..?

డైన‌మిక్ డైరెక్ట‌ర్ రైతుగా న‌టించ‌బోతున్నాడ‌ట‌. ఇంత‌కీ ఎవ‌రా డైరెక్ట‌ర్ అనుకుంటున్నారా..? వి.వి.వినాయ‌క్. అవును.. ప్ర‌ముఖ నిర్మాత దిల్ రాజు నిర్మాణంలో రూపొందుతోన్న సినిమాలో వినాయ‌క్ న‌టిస్తున్న విష‌యం తెలిసిందే. అయితే... ఇప్ప‌టి వ‌ర‌కు ఈ సినిమాలో వినాయ‌క్ పాత్ర ఎలా ఉంటుంది..? ఏ త‌ర‌హా సినిమా అనేది బ‌య‌ట‌కు రాలేదు కానీ... తాజాగా వినాయ‌క్ రైతుగా న‌టించ‌నున్నాడు అనే వార్త బ‌య‌ట‌కు వ‌చ్చింది.

కాగా అక్టోబర్‌‌లో వినాయక్ పుట్టినరోజున నాడు ఈ చిత్రాన్ని ఘనంగా ప్రారంభించాలని చిత్రబృందం ప్లాన్ చేస్తోంది. ఈ చిత్రంలో వినాయక్ రైతుగా నటించనున్నారు. పైగా స్వాతంత్య్ర పూర్వం 1940ల కాలంలో ఈ సినిమా కథ సాగుతుందని తెలిసింది. ఇక ఇప్పటికే వినాయక్ ఈ సినిమా కోసం ఫిట్‌గా కనిపించడానికి జిమ్‌‌లో వర్కౌట్స్ చేస్తున్నారు. 

ఇటీవలే వినాయక్ జిమ్‌‌లో కష్టపడుతున్న ఓ పిక్ సోషల్ మీడియాలో సైతం బాగా వైరల్ అయింది. కాగా సినిమాలో కొన్ని సన్నివేశాల్లో వినాయక్ చాల సన్నగా కనబడాలట. ఆ సన్నివేశాలనే రెండో షెడ్యూల్‌లో ప్లాన్ చేస్తున్నారు. షూటింగ్ గ్యాప్‌లో వినాయక్ బాడీని ఇంకా తగ్గించటానికి తగిన జాగ్రత్తలు తీసుకోనున్నారట.

వైవిధ్య‌మైన క‌థాంశంతో రూపొందే ఈ సినిమాకి నరసింహారావు ద‌ర్శ‌క‌త్వం వ‌హించ‌నున్నారు. ఈయన గతంలో శరభ అనే సినిమాని తెర‌కెక్కించారు. మ‌రి.. ఇప్ప‌టి వ‌ర‌కు ద‌ర్శ‌కుడిగా విజ‌యం సాధించిన వినాయ‌క్ న‌టుడుగా ఎంత వ‌ర‌కు ఆక‌ట్టుకుంటాడో చూడాలి.