గతంలో కె.సుకుమార్ దర్శకత్వంలో మెగా పవర్ స్టార్ రామ్ చరణ్ హీరోగా నటించిన చిత్రం "రంగస్థలం". ఈ చిత్రం బాక్సాఫీస్ వద్ద సూపర్ హిట్ టాక్‌ను సొంతం చేసుకుని రూ.215 కోట్ల గ్రాస్‌ను వసూలు చేసింది. అంటే నాన్ బాహుబలిగా రికార్డు సృష్టించింది.
అయితే, ఈ రికార్డును ఇపుడు తమిళ హీరో విజయ్ నటించిన 'సర్కార్' చిత్రం చెరిపేసింది. దీపావళి సందర్భంగా నవంబరు 6వ తేదీన ప్రేక్షకుల ముందుకు వచ్చిన ఈ చిత్రానికి ఏఆర్ మురుగదాస్ దర్శకత్వం వహించాడు.
ఈ చిత్రం విడుదలకు ముందు నుంచే వివాదాల్లో చిక్కుకుంది. ఇక విడుదలైన తర్వాత అన్నాడీఎంకే కార్యకర్తలు చేసిన రాద్దాంతం అంతాఇంతాకాదు. దీంతో ఈ చిత్రానికి రీసెన్సార్ చేయాల్సిన పరిస్థితి ఏర్పడింది. అయినప్పటికీ ఈ చిత్రానికి వివాదాలు వీడలేదు.
కానీ, వసూళ్లపరంగా ఈ చిత్రం తారాస్థాయిలో దూసుకెళుతోంది. ఈ చిత్రం తొలి ఇప్పటికే రూ.217 కోట్ల గ్రాస్‌ను వసూలు చేసి సౌత్ ఇండియాలోనే అత్యధిక గ్రాస్‌ను వసూలు చేసిన చిత్రంగా నిలిచింది. ఇకపోతే, విజయ్ నటించిన 'మెర్సల్' చిత్రం రూ.200 కోట్ల క్లబ్‌లో చేరగా, ఇపుడు 'సర్కార్' కూడా ఆ వరుసలో చేరి సరికొత్త రికార్డును నెలకొల్పింది.