హీరో విజయ్ దేవరకొండ నటిస్తున్న క్రేజీ మూవీ "వీడీ 12". గౌతమ్ తిన్ననూరి ఈ చిత్రాన్ని రూపొందిస్తున్నారు. శ్రీకర స్టూడియోస్ సమర్పణలో సితార ఎంటర్ టైన్ మెంట్స్, ఫార్చూన్ ఫోర్ సినిమాస్ బ్యానర్స్ పై నాగవంశీ, సాయి సౌజన్య భారీ పాన్ ఇండియా చిత్రంగా నిర్మిస్తున్నారు. అనౌన్స్ మెంట్ నుంచే "వీడీ 12" సినిమా దేశవ్యాప్తంగా మూవీ లవర్స్ దృష్టిని ఆకర్షిస్తోంది.
ఈ రోజు మేకర్స్ "వీడీ 12" సినిమా టైటిల్, టీజర్ రిలీజ్ డేట్ అనౌన్స్ మెంట్ చేశారు. ఈ నెల 12వ తేదీన "వీడీ 12" సినిమా టైటిల్, టీజర్ రిలీజ్ చేస్తున్నట్లు ప్రకటించారు. ఈ అనౌన్స్ మెంట్ పోస్టర్ లో కిరీటాన్ని చూపించడంతో పాటు 'ది సైలెంట్ క్రౌన్, అవేట్స్ ది కింగ్..' అని రాసిన క్యాప్షన్ ఆసక్తి రేపుతోంది. ప్రేక్షకులకు ఎప్పటికీ గుర్తుండిపోయే ఓ మెమొరబుల్ మూవీని అందించేందుకు "వీడీ 12" టీమ్ శ్రమిస్తోంది.