టాలీవుడ్ యంగ్ హీరో విజయ్ దేవరకొండ పూరీ జగన్నాధ్ దర్శకత్వంలో లైగర్ చిత్రంలో నటిస్తున్నారు. ఇందులో అనన్యా పాండే హీరోయిన్. అయితే, విజయ్ దేవరకొండ తాజాగా ఓ వీడియోను షేర్ చేశారు. దానికి తనతో బెడ్ షేర్ చేసుకున్నది ఎవరు, గెస్ చేయండి అంటూ క్యాష్షన్ పెట్టారు. ఈ వీడియోను సోషల్ మీడియాలో షేర్ చేశారు.
మరోవైపు, విజయ్ దేవరకొండ తమ్ముడు ఆనంద్ దేవరకొండ ప్రధాన పాత్రలో నటించిన లెటేస్ట్ చిత్రం "పుష్పక విమానం". ఇప్పటికే షూటింగ్ పూర్తిచేసుకున్న ఈ మూవీ నవంబర్ 12న ప్రేక్షకుల ముందుకు రానుంది. ఈ క్రమంలో సినిమా ప్రమోషన్స్ వర్క్ తన భూజాలపై వేసుకున్నాడు.
గత కొద్ది రోజులుగా ఈ సినిమాను జనాల్లోకి తీసుకెళ్లేందుకు ప్రత్యేక దృష్టి పెట్టాడు. ఈ క్రమంలోనే కాస్త డిఫరెంట్గా బెడ్ రూమ్ వీడియో ప్లాన్ చేసి ఆసక్తి కలిగించారు. ఈ సినిమా ప్రమోషన్స్లో భాగంగా.. దేవరకొండ బ్రదర్స్ విశాఖపట్నంలోని ఒక హోటల్లో బస చేశారు. ఈ క్రమంలోనే తమ్ముడితో కలిసి బెడ్పై నిద్రిస్తున్న విజయ్… మధ్యలో లేచి.. తమ్ముడిని సుందర్ అని పిలుస్తూ నిద్ర లేపాడు..
నువ్వు ఇక్కడ ఉన్నావేంటిరా? నీ పెళ్లాం ఏది? అంటూ పలుమార్లు ఆనంద్ దేవరకొండను విసిగించాడు. దీంతో నా పెళ్లాం లేచిపోయిందిరా అని చెప్పి మళ్లీ ముసుగు పెట్టుకుని పడుకున్నారు. ఈ ఫన్నీ వీడియోను విజయ్ తన ట్విట్టర్ ఖాతాలో షేర్ తెగ వైరల్ అవుతుంది. దేవరకొండ ప్రమోషన్స్ వీర లెవల్.. అంటూ కామెంట్స్ చేస్తున్నారు నెటిజన్స్.