మలయాళ సినీ నటి అంబికా రావు (58) గుండెపోటుతో కన్నుమూశారు. ఎర్నాకులంలోని ఓ ప్రైవేట్ ఆస్పత్రిలో చికిత్స పొందుతూ వచ్చిన ఆమె సోమవారం రాత్రి కన్నుమూశారు. అంబికా రావు మృతితో మలయాళ సినీ ఇండస్ట్రీ తీవ్ర దిగ్భ్రాంతికి గురైంది.
కుంబళంగి నైట్స్‌' సినిమాతో అంబికా రావుకు నటిగా మంచి గుర్తింపు వచ్చింది. 2002లో బాలచంద్ర మీనన్ డైరెక్షన్‌లో రూపొందిన 'కృష్ణ గోపాలకృష్ణ' సినిమాతో ఆమె అసిస్టెంట్ డైరెక్టర్ సినీ కెరీర్ఆరంభించారు.
దాదాపు రెండు దశాబ్దాలకు పైగా అంబికా రావు సినీ ఇండస్ట్రీలో కొనసాగారు. ఆమె నటించిన లేటెస్ట్ సినిమాలు 'కడువా', 'వైరస్‌' త్వరలో విడుదల కానున్నాయి.
అంబికా రావుతో ఉన్న అనుబంధాన్ని గుర్తుచేసుకున్న మలయాళ స్టార్ హీరో మోహన్‌లాల్, మమ్ముట్టి, పృథ్వీరాజ్‌ సుకుమారన్‌, టోవినో థామస్‌ తదితరులు సంతాపం వ్యక్తం చేశారు.