మై నాగా నాయుడు అంటూ సరికొత్త ప్రమోషన్‌తో వెంకటేష్‌

Venkatesh

విక్టరీ వెంకటేష్‌ తాజాగా నెట్‌ఫ్లిక్స్‌కు చేస్తున్న సినిమా రానా నాయుడు. దీనికి ముందు సైంథవ్‌ అనే సినిమా కూడా చేస్తున్నారు. ఈ చిత్రం షూటింగ్‌ జరుగుతోంది. అయితే మొట్టమొదటి వెబ్‌ సినిమాగా రానా నాయుడు చేస్తున్నాడు. ఇందుకోసం పూర్తిగా తెల్లటి గడ్డంతో గతంలోనే స్టిల్‌ను బయటకు వదిలారు. ఓటీటీలో ఈ సినిమా గురించి అప్‌డేట్‌ అడుగుతున్నారు. 

అందుకే ఈరోజు వెంకటేష్‌ తన సోషల్‌ మీడియాలో చిన్న వీడియో విడుదల చేశారు. .. బిగ్‌ మిస్టేక్‌ నై కర్నా నెట్‌ఫ్లిక్స్‌, ఇస్‌మే హీరో కౌన్‌? మై. స్టార్‌ కౌన్‌.. మై.. అంటూ తన ఫోన్‌తో వెంకటేష్‌ చిన్న క్లిప్‌ చేసి విడుదల చేశారు. ఈ వెబ్‌ సిరీస్‌ను ప్రమోషన్‌లో భాగంగా ఫనీగా తీసినట్లుంది. కరణ్‌ అన్హుమాన్‌, సువర్ణ్‌ వర్మ దర్శకత్వం వహిస్తున్నారు. రానా మరో కీలక పాత్ర పోషించారు. లోకోమోటివ్‌ గ్లోబల్‌ మీడియా ఎల్‌.ఎల్‌.పి.కి చెందిన సుందర్‌ ఆరోన్‌ హిందీ సిరీస్‌ను నిర్మించారు. దీనికి సంబంధించిన మరిన్ని వివరాలు త్వరలో తెలియనున్నాయి.