తెలుగులో బంపర్ హిట్టైన అర్జున్ రెడ్డి సినిమా తమిళంలో వర్మగా రూపుదిద్దుకుంటున్న సంగతి తెలిసిందే. ఈ సినిమా ఫస్ట్ లుక్ ఇప్పటికే రిలీజైనా అంతగా రెస్పాన్స్ రాలేదు. అయితే తమిళ అర్జున్ రెడ్డి ట్రైలర్ విడుదలైంది. ఈ ట్రైలర్ నెట్టింట దుమ్మురేపుతోంది. తెలుగులో విజయ్ దేవరకొండ హీరోగా సందీప్ వంగా తెరకెక్కించిన ఈ సినిమా.. తమిళంలో వర్మగా బాల రీమేక్ చేస్తున్నారు.
తమిళ రీమేక్ లో విక్రమ్ తనయుడు 'ధృవ్' హీరోగా చేస్తున్నాడు. బాలా దర్శకత్వం వహిస్తోన్న ఈ సినిమా నుంచి, సూర్య చేతుల మీదుగా తాజాగా ఒక ట్రైలర్ ను రిలీజ్ చేయించారు. వర్మ జీవితంలోని వివిధ కోణాలకి సంబంధించిన సన్నివేశాలపై ఈ ట్రైలర్‌ను కట్ చేశారు.
ఈ సినిమా ధృవ్ కెరీర్‌లో మైలురాయిగా నిలుస్తుందని సినీ యూనిట్ భావిస్తోంది. ఇంకా అర్జున్ రెడ్డి తరహాలో వర్మ కూడా యువతకు బాగా కనెక్ట్ అవుతాడని సినీ జనం అనుకుంటున్నారు. ఇంకేముంది.. తమిళ అర్జున్ రెడ్డి రీమేక్ వర్మ ట్రైలర్‌ను ఓ లుక్కేయండి.