రామ్ గోపాల్ వర్మపై వంగవీటి రాధాకృష్ణ ఫైర్: డబ్బు కావాలని అడిగితే ముఖాన కొట్టేవాళ్లం..

వివాదాస్పద దర్శకుడు రామ్‌గోపాల్ వర్మ దర్శకత్వంలో రూపుదిద్దుకున్న 'వంగవీటి' చిత్రంపై మొదటి నుంచీ అభ్యంతరాలు వ్యక్తమవుతున్న విషయం తెలిసిందే. తాజాగా రామ్ గోపాల్ వర్మపై వంగవీటి రాధకృష్ణ మండిపడ్డారు. డబ్బు

వివాదాస్పద దర్శకుడు రామ్‌గోపాల్ వర్మ దర్శకత్వంలో రూపుదిద్దుకున్న 'వంగవీటి' చిత్రంపై మొదటి నుంచీ అభ్యంతరాలు వ్యక్తమవుతున్న విషయం తెలిసిందే. తాజాగా రామ్ గోపాల్ వర్మపై వంగవీటి రాధకృష్ణ మండిపడ్డారు. డబ్బు కోసం వంగవీటి జీవితచరిత్రను కించపర్చేలా చిత్రీకరించి గొప్పలు చెప్పుకుంటున్నారని ఆరోపించారు. డబ్బు కావాలని అడిగితే రంగా అభిమానులు చందాలు వేసుకుని ముఖాన కొట్టేవాళ్లమన్నారు. వంగవీటి రంగా విగ్రహానికి పూలమాల వేసి రాధ నివాళులర్పించారు. 

తన తండ్రి ఆశయ సాధన కోసం కృషిచేస్తానని వంగవీటి రాధాకృష్ణ స్పష్టం చేశారు. రంగాను హత్య చేసిన వాళ్లు దర్జాగా తిరుగుతున్నా కనిపించడం లేదా అని ప్రశ్నించారు. అన్నీ తెలుసంటూ కోతలు కోసే వర్మ తగిన మూల్యం చెల్లించుకుంటారని రాధాకృష్ణ హెచ్చరించారు.

ఇకపోతే.. ఇప్పటికే వంగవీటి సినిమాపై రంగా ఫ్యాన్స్ హెచ్ఆర్సీలో ఫిర్యాదు చేశారు. కాపుల మనోభావాలను కించపరిచేలా 'వంగవీటి' సినిమాను చిత్రీకరించారని రంగా అభిమానులు తమ ఫిర్యాదులో పేర్కొన్నారు. సినిమా టైటిల్‌తో పాటు కాపులను కించపరిచే సన్నివేశాలను వెంటనే తొలగించాలని ఫిర్యాదులో పేర్కొన్నారు.