ప్రముఖ బుల్లితెర నటి లీనా ఆచార్య (30) అనారోగ్యంతో కన్నుమూశారు. ఒకే ఒక కిడ్నీతో ఇన్నాళ్లు బతికిన ఆమె చివరకు అనారోగ్యంతో ప్రాణాలు కోల్పోయారు. చిన్న వయస్సులోనే బుల్లితెరపై నటించి మంచి పేరు కొట్టేసిన ఆమె తిరిగి రాని లోకాలకు వెళ్లిపోవడంపై టీవీ ప్రముఖులు జీర్ణించుకోలేకపోతున్నారు. ఆమె మృతికి పలువురు టీవీ సినీరంగ ప్రముఖులు సంతాపం తెలిపారు.
క్లాస్ ఆఫ్ 2020 సేట్ జీ వంటి ఆప్కే ఆజానేసే మేరీ హానికారక్ బీవీ వంటి టీవీ కార్యక్రమాలతో లీనా ఆచార్య పాపులర్ అయ్యారు. ఆమె కొన్నేళ్లుగా కిడ్నీ సమస్య బాధపడుతున్నది. ఇటీవలే ఢిల్లీలోని ఓ ప్రైవేట్ ఆస్పత్రి లో చేరారు. చికిత్స పొందుతూ ఆదివారం కన్నుమూశారు. ఆమె మృతికి ప్రముఖ టీవీ నటుడు ఆమెతో కలిసి నటించిన రోహన్ మెహ్రా మరో నటుడు ఆయుష్ ఆనంద్ సంతాపం తెలిపారు.
అయితే ఆమెకు చాలా కాలంగా కిడ్నీ సమస్య ఉన్నదని లీనా సోదరుడు చెప్పారు. అయితే లీనా మాత్రం ఈ విషయం ఎవరికీ చెప్పకుండా అందరితో సరదాగా ఉండేవారు. ఆమె ఎప్పుడూ తన ఆరోగ్యసమస్య గురించి చెప్పుకోలేదని ఆమెతో కలిసి పనిచేసిన వారు అంటున్నారు. ఇంత చిన్నవయసులో ఆమెకు చనిపోవడం షాక్‌కు గురిచేసిందని వాళ్లు చెబుతున్నారు.