మంచు మనోజ్ కారుకు రూ.700 చలాన్.. బ్లాక్ ఫిల్మ్ తొలగింపు

హైదరాబాద్ ట్రాఫిక్ పోలీసుల‌కు హీరో మంచు మ‌నోజ్ నిబంధ‌న‌లు ఉల్లంఘించి దొరికిపోయాడు. హైదరాబాద్‌లోని టోలిచౌకిలో ట్రాఫిక్‌ పోలీసులు తనిఖీలు నిర్వహిస్తోన్న స‌మ‌యంలో మనోజ్ కారు న‌డుపుతూ వెళ్తున్నాడు.

ఆ కారును ఆపిన పోలీసులు దాని అద్దాలకు బ్లాక్ ఫిల్మ్ ఉంద‌ని, రూ.700 చలాన్ విధించారు. అలాగే, అద్దాల‌కు ఉన్న‌ బ్లాక్ ఫిల్మ్‌ను తొలగించారు. కాగా, హైదరాబాద్‌లో ట్రాఫిక్ నిబంధనలు అతిక్రమించి వాహనాలు నడిపేవారిపై ట్రాఫిక్‌ పోలీసులు కఠినంగా వ్యవహరిస్తున్నారు. ప్రముఖులు, సినీ సెలిబ్రిటీలు నుంచి సామాన్యుల వరకు అందరిపై కొరడా ఝుళిపిస్తున్నారు. 

ఇకపోతే.. ఇటీవలే జూనియర్‌ ఎన్టీఆర్‌, అల్లు అర్జున్‌, కల్యాణ్ రామ్‌ కార్ల‌ను కూడా త‌నిఖీ చేసిన పోలీసులు వాటికి ఉన్న‌ బ్లాక్ ఫిల్మ్‌ ను తొలగించి చలానాలు విధించారు.