శ్రీనివాస కళ్యాణం కాన్సెప్ట్ టీజర్‌ను ఓ లుక్కేయండి (video)
యువ హీరో నితిన్ తాజా సినిమా శ్రీనివాస కళ్యాణం. ఈ సినిమా కాన్సెప్ట్ టీజర్ గురువారం విడుదలైంది. ఇందులో రాశీ ఖన్నా కథానాయికగా నటిస్తున్నారు. నందితా శ్వేత మరో కథానాయిక. ఈ చిత్రానికి వేగేశ్న సతీష్‌ దర్శకత్
యువ హీరో నితిన్ తాజా సినిమా శ్రీనివాస కళ్యాణం. ఈ సినిమా కాన్సెప్ట్ టీజర్ గురువారం విడుదలైంది. ఇందులో రాశీ ఖన్నా కథానాయికగా నటిస్తున్నారు. నందితా శ్వేత మరో కథానాయిక. ఈ చిత్రానికి వేగేశ్న సతీష్‌ దర్శకత్వం వహిస్తున్నారు. శ్రీ వెంకటేశ్వర క్రియేషన్స్‌ బ్యానర్‌పై ఈ సినిమాను దిల్‌రాజు నిర్మిస్తున్నారు.
తాజాగా విడుదలైన కాన్సెప్ట్ టీజర్లో ''మనం పుట్టినప్పుడు మనవాళ్లందరూ సంతోషిస్తారు. ఈ విషయం మనకు తెలీదు. మనం చనిపోయినప్పుడు అందరూ బాధపడతారు. ఈ విషయం కూడా మనకు తెలీదు. మనకు తెలిసినంతవరకు మనం సంతోషంగా ఉండి మనవాళ్లంతా సంతోషంగా ఉండేది ఒక పెళ్లిలో మాత్రమే. అలాంటి పెళ్లి గొప్పతనం గురించి చెప్పే ఓ చిన్ని ప్రయత్నమే మా ఈ ''శ్రీనివాస కల్యాణం'' అంటూ ప్రముఖ నటి జయసుధ వాయిస్ ఓవర్ వీడియోలో వినిపిస్తుంది.
ఇక కల్యాణం.. వైభోగం అంటూ బ్యాక్‌గ్రౌండ్‌లో వినిపిస్తున్న సంగీతం వినసొంపుగా ఉంది. ఆగస్ట్‌ 9న ఈ చిత్రం ప్రేక్షకులమ ముందుకు రానుంది. ఈ నెల 22వ తేదీన శ్రీనివాస కళ్యాణం ఆడియో విడుదల కానుందని కాన్సెప్ట్ వీడియోలోనే చెప్పేశారు. నితిన్, రాశీఖన్నా, నందిత శ్వేత, ప్రకాష్ రాజ్ తదితరులు నటిస్తున్న ఈ సినిమాకు నిర్మాతలుగా దిల్‌రాజు, శిరీష్ వ్యవహరిస్తున్నారు. సంగీతం- మిక్కీ జే మేయర్, సినిమాటోగ్రఫీ- సమీర్ రెడ్డి.