నేటి సమాజంలో స్త్రీ ఎదురుకుంటున్న సమస్యల నేపథ్యంలో సోషియో థ్రిల్లర్ గా మన ముందుకు వస్తున్న గుణ సుందరి కథ చిత్రం ట్రైలర్ విడుదలైంది. ట్రైలర్ లో రివిల్ చేసిన కొద్దిపాటి మాటలు అందరిని ఆలోచింపజేసేలా ఉన్నాయి. ఇది చిన్న సినిమా అయినప్పటికీ బలమైన కంటెంట్ తో వొసున్న చిత్రం అని ట్రైలర్ లో తెలుస్తోంది.
చిత్ర నిర్మాత దర్శకుడు ఓం ప్రకాష్ మార్త మాట్లాడుతూ : ఇటీవలే సెన్సార్ పూర్తి చేసుకున్న ఈ చిత్రాన్ని ముందుగా సెన్సార్ వారు అభినందించడం మా మొదటి విజయంగా భావిస్తున్నాం అన్నారు. అలాగే ఇప్పుడిప్పుడే ఇండస్ట్రీ లో నిలదోక్కుకుంటున్న నటినటులతో చేసిన ఈ ప్రయత్నం అందరికి మంచి పేరు.. గుర్తింపు తెస్తుందన్న ఆశాభావం వ్యక్తం చేసారు. సీరియస్ కంటెంట్ తో వస్తున్న ఈ చిత్రం అన్ని వర్గాల ప్రేక్షకులను ముఖ్యంగా ఆడవాళ్లకు బాగా కనెక్ట్ అవుతుందని నమ్మకంతో ఉన్నామన్నారు. అక్టోబర్ 13 న రిలీజ్ కాబోతున్న గుణ సుందరి కథ చిత్రాన్ని అందరూ ఆదరించాలని, అలాగే కంటెంట్ ని నమ్ముకుని చేసే మాలాంటి చిన్న చిత్రాలను కూడా అందరూ సపోర్ట్ చేయాలని కోరారు.