యూరప్‌కు పవన్ కల్యాణ్- త్రివిక్రమ్ టీమ్.. కీర్తి, అనూలతో పాటల షూటింగ్...

పవర్ స్టార్ పవన్ కల్యాణ్, త్రివిక్రమ్ కాంబోలో రూపుదిద్దుకుంటున్న పవన్ 25వ సినిమా షెడ్యూల్ యూరప్‌లో ప్రారంభం కానుంది. ఇప్పటికే ఈ సినిమా షూటింగ్ కర్ణాటక - చిక్ మంగుళూరు ప్రాంతంలో జరుగుతోంది. ఈ షెడ్యూల్‌

పవర్ స్టార్ పవన్ కల్యాణ్, త్రివిక్రమ్ కాంబోలో రూపుదిద్దుకుంటున్న పవన్ 25వ సినిమా షెడ్యూల్ యూరప్‌లో ప్రారంభం కానుంది. ఇప్పటికే ఈ సినిమా షూటింగ్ కర్ణాటక - చిక్ మంగుళూరు ప్రాంతంలో జరుగుతోంది. ఈ షెడ్యూల్‌లో భాగంగా పవన్ కళ్యాణ్ యాక్షన్ సీన్స్‌ చేస్తున్నారు. ఈ ఫైట్స్ సినిమాకు హైలైట్ అవుతాయని సినీ యూనిట్ అంటోంది. 

ఈ యాక్షన్ ఎపిసోడ్‌ను చేస్తుండగా పవన్ చేతికి గాయమైనా ఆయన లెక్కచేయకుండగా షూటింగులో పాల్గొంటున్నాడని సమాచారం. పవన్‌కు ఇది 25వ సినిమా అయినా.. త్రివిక్రమ్-పవన్ కాంబినేషన్లో రానున్న మూడో సినిమా ఇది. ఈ సినిమా తదుపరి షెడ్యూల్‌ను విదేశాలలో ప్లాన్ చేశారు. కథానాయికలుగా కీర్తి సురేశ్ .. అనూ ఇమ్మాన్యుయేల్ నటిస్తోన్న ఈ సినిమాను, సంక్రాంతి కానుకగా జనవరి 10వ తేదీన విడుదల చేయనున్నారు. 

ఈ షెడ్యూల్‌లో పాటల చిత్రీకరణ వుంటుంది. నవంబర్ 15 వరకు యూరప్‌లోనే పవర్ స్టార్ 25 సినిమా పాటలను చిత్రీకరించనున్నారు. మూడు పాటలను యూరప్ లోని వివిధ ప్రాంతాల్లో చిత్రీకరిస్తారు.

పవన్ కల్యాణ్, కీర్తి సురేష్, అను ఇమ్మానుయేల్ కూడా యూరప్ సెట్స్‌లో వుంటారని.. టీమ్ మొత్తం త్వరలో యూరప్‌కు బయల్దేరనుంది. అజ్ఞాత వాసి అనే టైటిల్ ఈ చిత్రానికి పరిశీలనలో వుంది. తొలిసారిగా కొలవెరి సాంగ్‌కు సంగీతం సమకూర్చిని అనిరుధ్ పవన్ చిత్రానికి సంగీత దర్శకుడిగా పనిచేస్తున్నాడు.