షర్మిల బయోపిక్‌లో తాప్సీ.. తప్పకుండే హిట్టే.. త్వరలోనే సెట్స్ మీదకు..?
బాలీవుడ్‌లో బయోపిక్‌ల హవా కొనసాగుతోంది. ఇప్పటికే ధోని, పుల్లెలగోపిచంద్, ఇందిరాగాంధి వంటి వారి బయోపిక్‌లు చేయడానికి స్టార్లు సిద్ధపడుతున్నారు. తాజాగా ఆ లిస్ట్‌లో మరో ఐరన్ లేడీ గాథ చేరింది. సైనిక దళాల ప
బాలీవుడ్‌లో బయోపిక్‌ల హవా కొనసాగుతోంది. ఇప్పటికే ధోని, పుల్లెలగోపిచంద్, ఇందిరాగాంధి వంటి వారి బయోపిక్‌లు చేయడానికి స్టార్లు సిద్ధపడుతున్నారు. తాజాగా ఆ లిస్ట్‌లో మరో ఐరన్ లేడీ గాథ చేరింది. సైనిక దళాల ప్రత్యేక హక్కుల చట్టం రద్దు కోరుతూ... పదహారేళ్ళ పాటు నిరసన పోరాటం చేసిన షర్మిలా కథను సినిమాగా చేయాలని దర్శకుడు వికాస్ ద్వివేది నిర్ణయించుకున్నాడు.
ఇందులో హీరోయిన్‌గా తాప్సీని తీసుకోవాలని ఆమెకు కథను వివరించాడు. కథ విన్న వెంటనే ఈ సినిమా చేయడానికి ఓకే చెప్పేసింది. ఈ చిత్రానికి 'ఇంఫాల్' అనే టైటిల్‌ను అనుకుంటున్నారు. త్వరలోనే ఈ చిత్రాన్ని సెట్స్ మీదకు తీసుకువెళ్లనున్నారు.
కాగా.. సొట్టబుగ్గల సుందరిగా తెలుగు, తమిళ ప్రేక్షకులను ఆకట్టుకుంటున్న ఢిల్లీ బ్యూటీ తాప్సీ , ప్రస్తుతం బాలీవుడ్‌లో తన హవా చాటుతోంది. ‘బేబీ’ సినిమాతో ఆకట్టుకున్న తాప్సీ, రీసెంట్‌గా ‘పింక్’ సినిమాతోనూ బాలీవుడ్ ప్రేక్షకులకు దగ్గరైంది. తాజాగా మరో సెన్సేషన్ సినిమాలో తాప్సీ నటించబోతోంది. ఈ సినిమా బయోపిక్ కావడం విశేషం. అదీ షర్మిల బయోపిక్ కావడంతో తప్పకుండా తాప్సీ సూపర్ క్రేజ్ లభించక తప్పదని సినీ పండితులు అప్పుడే జోస్యం చెప్తున్నారు.