తమన్నా సరసన గుంటూరు టాకీస్ సిద్ధూ.. క్వీన్ రీమేక్‌లో ఛాన్స్
బాహుబలికి తర్వాత ఆశించిన స్థాయిలో హిట్ సినిమాలు లేకుండా అందాల రాశి తమన్నా నానా తంటాలు పడుతోంది. బాహుబలికి తర్వాత నాలుగైదు సినిమాల్లో నటించినా అవి అంతగా గుర్తింపు సంపాదించిపెట్టలేదు. ఈ నేపథ్యంలో బాలీవు
బాహుబలికి తర్వాత ఆశించిన స్థాయిలో హిట్ సినిమాలు లేకుండా అందాల రాశి తమన్నా నానా తంటాలు పడుతోంది. బాహుబలికి తర్వాత నాలుగైదు సినిమాల్లో నటించినా అవి అంతగా గుర్తింపు సంపాదించిపెట్టలేదు. ఈ నేపథ్యంలో బాలీవుడ్‌లో ఘన విజయం సాధించిన ‘క్వీన్’ సినిమాను దక్షిణాది భాషల్లో రీమేక్ చేస్తున్న సంగతి తెలిసిందే.
ఈ చిత్రాన్ని తెలుగులో కూడా ఈ సినిమా ‘క్వీన్’ అనే పేరుతోనే విడుదల చేస్తున్నారు. ఈ సినిమాలో తమన్నా ప్రధాన పాత్రలో నటిస్తోంది. ఈ చిత్రంలో తమన్నా సరసన యువ హీరో నటించనున్నాడు. ''గుంటూరు టాకీస్'' సినిమాలో హీరోగా నటించిన సిద్ధూ తమన్నా సరసన నటించే అవకాశాన్ని కైవసం చేసుకున్నాడు. హిందీలో ఈ పాత్రను రాజ్ కుమార్ రావు లాంటి ప్రముఖ నటుడు పోషించాడు.
కానీ తెలుగులో మాత్రం సిద్ధూను ఎంపిక చేసుకోవడంపై ఆశ్చర్యం వ్యక్తం చేస్తున్నారు సినీ పండితులు. ఈ సినిమాకు దర్శకుడిగా నీలకంఠ వ్యవహరించనున్నారు. తమిళంలోనూ నీలకంఠనే రీమేక్ చేస్తున్నారు.