సీనియర్ నటి సుమలత ఓ ఆసక్తికర కామెంట్స్ చేశారు. దివంగత అక్కినేని నాగేశ్వర రావు తనతో సంభాషించిన వ్యాఖ్యలను ఓ టీవీకి ఇచ్చిన ప్రత్యేక ఇంటర్వ్యూ ఇచ్చారు. ఇందులో ఆమె మాట్లాడుతూ.. అక్కినేని నాగేశ్వరరావు హీరోగా ఉన్నత స్థాయిలో ఉన్నప్పుడు నన్ను ఓ సినిమా షూటింగ్‌లో మాట్లాడారు. ‘‘నీ కలర్, హైట్‌కి తగిన అబ్బాయి విదేశాల నుంచి వస్తున్నాడు. పెళ్ళి చేసుకుంటావా?’’ అని అడిగారట. అంతటితో ఆగకుండా ‘‘మీ అమ్మగారితో మాట్లడమంటావా?’’ అని కూడా అడిగారని చెప్పారు.
ఇంతకీ ఆ అబ్బాయి ఎవరని తాను ఏఎన్నార్ గారిని ఆసక్తిగా అడిగాను. దీనికి ఆయన సమాధానమిస్తూ... ‘‘ఆ అబ్బాయి మరెవరో కాదు.. నా కొడుకే’’ అని ఏఎన్ఆర్ చెప్పారట. అప్పటికి నాగార్జున ఇంకా తెరంగేట్రం చేయలేదట. ఈ విషయాన్ని ఆమె వెల్లడించారు. అయితే ఏఎన్ఆర్ ఆఫర్‌కు ఆమె ఇచ్చిన సమాధానం ఏమిటో మాత్రం ఆమె ఆ ఇంటర్వ్యూలో చెప్పలేదు.