భారీ పారితోషికం తీసుకుంటున్న శ్రీనిధి శెట్టి!

Srinidhi Shetty

ప్ర‌స్తుతం కెజి.ఎఫ్‌. హ‌వా మామూలుగా లేదు. ఆ సినిమాతో బాగా పాపుల‌ర్ అయిన హీరోయిన్ శ్రీనిధి శెట్టి. తాజాగా ఆమె త‌మిళ‌రంగంలో ప్ర‌వేశించింది. చియాన్ విక్రమ్  న‌టిస్తున్న `కోబ్రా` కోసం ఆమెను ఎంపిక చేసిన‌ట్లు తెలుస్తోంది. అజయ్ జ్ఞానముత్తు ద‌ర్శ‌క‌త్వం వ‌హిస్తున్న ఈ చిత్రం  యాక్షన్ థ్రిల్లర్‌గా రూపొందుతోంది. కాగా, ఈ సినిమాకు ఆమె దాదాపు ఆరుకోట్లు డిమాండ్ చేసిన‌ట్లు తెలుస్తోంది. ఇందుకు నిర్మాత‌లు సంసిద్ధంగా వున్నారు.

కె.జి.ఎఫ్‌తోనే ఫేమ్‌లోకి వ‌చ్చిన ఈ భామ త‌దుప‌రి బాలీవుడ్‌లోనూ ప్ర‌వేశించ‌నున్న‌ట్లు తెలుస్తోంది. ఇదిలా వుండ‌గా, కోబ్రా సినిమా ఇటీవ‌లే విక్ర‌మ్‌తో యాక్ష‌న్ ఎపిసోడ్స్ తీశారు. సెవెన్ స్క్రీన్ స్టూడియోస్ నిర్మిస్తున్న ఈ సినిమాలో మృణాళిని రవి, ఇర్ఫాన్ పఠాన్, రోషన్ మాథ్యూ, మియా జార్జ్ తదితరులు కూడా నటిస్తున్నారు. ఏఆర్ రెహమాన్ సంగీతం అందిస్తున్నారు.  ఆగస్ట్ 11, 2022న సినిమా విడుద‌ల‌కు స‌న్నాహాలు చేస్తున్నారు.