నలభై ఏడేళ్లకు నాకు బ్రేక్ వచ్చింది. ముఖ్యంగా `బ్రోచేవారెవరురా` సినిమాతో నాకు సక్సెస్ దక్కింది. ఆ తరువాత పలు సినిమాల్లో భిన్నమైన పాత్రల్లో చేస్తున్నాను. హీరో, హీరోయిన్స్ ఫాదర్ రోల్స్, డాక్టర్ గా, పాజిటివ్ తో పాటు నెగిటివ్ రోల్స్ కూడా చేస్తున్నాను` అని శ్రీకాంత్ అయ్యంగార్ అన్నారు.
ఆయ‌న తాజాగా `1977` అనే సినిమాలో పోలీసు అధికారిగా న‌టించారు. ఈ సినిమా 26న విడుద‌ల కానుంది. ఈ సంద‌ర్భంగా ఆయ‌న పలు విష‌యాలు తెలిపారు. కెరీర్ గురించి మాట్లాడుతూ, ప్ర‌స్తుతం నాకుచాలా మంచి పాత్రలే వస్తున్నాయి, కానీ మూడు తిమింగలాలు దాటుకుని అవకాశాలు రావాలంటే కొంచెం కష్టమే. ఆ మూడు తిమింగలాలు ఒకరు ప్రకాష్ రాజ్, రెండు రావు రమేష్, మూడు మురళి శర్మ. ఈ ముగ్గురు నటులుగా ఆకాశం అంత ఎత్తులో ఉన్నారు. వాళ్ళను దాటుకుని మనకు ఛాన్సులు రావాలంటే కొంచెం టైం పడుతుంది. నాకు ప్రకాష్ రాజ్ నటన అంటే ఇష్టం. అయన నా పర్సనల్ దేవుడు. అలాగే కమల్ హాసన్ నటన కూడా చాలా ఇష్టం.