శ్రీ లీల, రామ్ జంటగా నటిస్తున్న చిత్రం బోయపాటి శ్రీను దర్శకత్వంలో రూపొందుతోంది. ఈ సినిమాకు ఇంకా టైటిల్ పెట్టలేదు. తాజాగా ఈసినిమాలో పాట కోసం ఈ జంట మైసూర్ వెళ్లారు. మరికొన్ని ప్రదేశాల్లో పాటలు తీయనున్నారు. దసరా కానుకగా అక్టోబర్ 20న తెలుగు, హిందీ, కన్నడ, తమిళ, మలయాళ భాషల్లో సినిమా విడుదల కానుంది. ఈ విషయాన్ని శ్రీ లీల తన సోషల్ మీడియాలో తెలిపింది.
జీ స్టూడియోస్ సౌత్ సమర్పణలో శ్రీనివాసా సిల్వర్ స్క్రీన్ పతాకంపై శ్రీనివాసా చిట్టూరి ఈ చిత్రాన్ని నిర్మిస్తున్నారు. ఇటీవల సినిమా క్లైమాక్స్ చిత్రీకరణ పూర్తి చేశారు. సంగీత దర్శకుడు తమన్ అందించిన నేపథ్య సంగీతానికి ప్రశంసలు లభిస్తున్నాయి. హీరో పేరు (రాపో - రామ్ పోతినేని) పేరు వచ్చేలా కంపోజ్ చేసిన బీజీఎమ్ ప్రేక్షకులకు విపరీతంగా నచ్చింది. యంగ్ హీరోల్లో హీరో పేరు మీద ఈ స్థాయిలో మాస్ బీజీఎమ్ చేయడం ఇదే తొలిసారి అని చెప్పాలి.