సూపర్ స్టార్ మహేష్ బాబు కూతురు సితార సోషల్ మీడియాలో నెటిజన్ల ఆగ్రహానికి గురైంది. ఇదేంటి అనుకుంటున్నారా..? సితార టాలీవుడ్ సినీ ప్రేమికులందరికీ ప్రియమైన అమ్మాయి. ఇంకా సోషల్ మీడియాలో అయితే ఈమె ఏంజెల్.
తన ఫన్నీ చర్యలు, అందమైన వ్యక్తీకరణలతో అందరి హృదయాలను దోచుకుంటుంది. ఆమె సోదరుడు గౌతమ్ కృష్ణ కంటే, సితార చాలా ఫ్యాన్ ఫాలోయింగ్ వుంది. కానీ ఆమె ఇటీవల ఒక వీడియోను పోస్ట్ చేసింది. అందులో ఆమె తన తలని కారు కిటికీలోంచి బయటకు పెట్టి సుందరమైన ప్రదేశాలు, ప్రకృతి అందాలను ఆస్వాదిస్తూ కనిపించింది.
అయితే ఆమె కదులుతున్న కారులో ఇలాంటి చర్యలకు పాల్పడితే ఎలా అని నెటిజన్లు ఆమెను తప్పుపట్టడం ప్రారంభించారు. బాధ్యతాయుతమైన పౌరురాలిగా ఆమె అన్ని భద్రతా నిబంధనలను ఉల్లంఘించకుండా పాటించాలని లైట్‌గా వార్నింగ్ ఇచ్చారు.
సూపర్ స్టార్ మహేష్ బాబు కుమార్తెగా ఇతరులకు ఆదర్శంగా ఉండాలని కూడా వారు ఆమెను విజ్ఞప్తి చేస్తున్నారు. ఆమెకు సోషల్ మీడియాలో చాలా మంది ఫాలోవర్లు ఉన్నందున, ఇతరులు తప్పుదారి పట్టించకూడదని కూడా నెటిజన్లు విజ్ఞప్తి చేస్తున్నారు.