మీటూ, క్యాస్టింగ్ కౌచ్ ఉద్యమంలో భాగస్వామ్యం అవుతూ సంచలన విషయాలతో హాట్ టాపిక్ అయ్యారు సింగర్ చిన్మయి. సోషల్ మీడియాలో ఎప్పూడు యాక్టివ్‌గా వుండే ఈ సింగర్ తనదైన స్టైల్లో మహిళలపై జరుగుతున్న లైంగింక వేధింపులను అడ్రెస్ చేస్తూ అవసరమున్నవారికి అండగా ఉంటోంది.
ఇక కాంట్రవర్షియల్ మ్యాటర్ లో ఎప్పుడు ముందుండే చిన్మయి రీసెంట్‌గా చేసిన పోస్ట్ నెట్టింట హాట్ టాపిక్‌గా మారింది. జనరల్గా ఆడవాళ్లు పెళ్లైన తరువాత ఏ జాబ్ చేసినా, బయటకు వెళ్లినా.. ఎంతో ఎత్తుకు ఎదిగినా ఆ క్రేడిట్ అంతా కూడా భర్తకు ఇస్తుంటారు. అంతేనా మీ భర్త చాలా గ్రేట్.. మిమ్మల్ని ఇలా పని చేసుకోవడానికి ఒప్పుకున్నారు. బయటకు పంపారు.. అంటూ కొన్ని మాటలు వినిపిస్తుంటాయి.
ఇలాంటి మాటలకు దర్శకురాలు సుధా కొంగర గట్టి సమాధనం ఇచ్చింది. "నేను నాకు ఇష్టమైన పని చేయడానికి నాకు ఎవరూ పర్మిషన్ గానీ.. అంగీకారాన్ని గానీ ఇవ్వలేదు. నాకు నచ్చింది నేను చేస్తున్నాను" అంటుంటారు సుధా కొంగర.
ఇక ఇదే విషయంపై తనదైన స్టైల్లో స్పంధించింది సింగర్ చిన్మయి. సుధా కొంగర చెప్పిన మాటలకు తన శైలిని జోడించి మరీ కౌంటర్ వేశారు. సోషల్ మీడియా వేదికగా ఆమె స్పందిస్తూ.."సినిమా దర్శకులు, నటులు, సంగీత దర్శకులు, క్రియేటర్స్, లాయర్స్, డాక్టర్స్, పొలిటిషియన్స్ భార్యలు నిజంగానే గ్రేట్.. మీరు మీ భర్తలకు పని చేసుకునే స్వేచ్చను, పర్మిషన్ ఇచ్చారు " అంటూ సెటైర్ వేసింది. ఇక సింగర్ చిన్మయి పోస్టుకు పెద్ద ఎత్తున మద్దతు తెలుపుతున్నారు నెటిజన్స్.