'దొరసాని'కి బంపర్ ఆఫర్లు.. ఇటు తెలుగు.. అటు తమిళం...

టాలీవుడ్ సినీ దంపతులు డాక్టర్ రాజశేఖర్, జీవితా రాజశేఖర్ ముద్దుల కుమార్తెల్లో ఒకరైన శివానీ రాజశేఖర్‌కు వరుస ఆఫర్లు వస్తున్నాయి. తన తొలి చిత్రం దొరసాని ఒకింత నిరాశపరిచినప్పటికీ... ఈమెకు మాత్రం వరుస ఆఫర్లు వస్తున్నాయి. 

తెలుగులో ప్రస్తుతం ఈ యువనాయకి 'డబ్ల్యుడబ్ల్యుడబ్ల్యు' చిత్రంతో పాటు తేజ సజ్జాతో కలిసి ఓ ప్రేమకథా చిత్రంలో నటిస్తోంది. ఈ రెండు సినిమాలు చిత్రీకరణ దశలో ఉన్నాయి. ఈ క్రమంలో తమిళంలో హిప్‌హాప్‌ తమిళ సరసన ఓ సినిమా చేస్తోంది. 

తాజాగా శివానీ రాజశేఖర్‌ తమిళంలో భారీ ఆఫర్‌ను సొంతం చేసుకుంది. హిందీలో విమర్శకులు ప్రశంసలందుకున్న సామాజిక సందేశాత్మక ‘ఆర్టికల్‌ 15’ చిత్రాన్ని తమిళంలో రీమేక్‌ చేస్తున్నారు. 

ఇందులో ఉదయనిధి స్టాలిన్‌ కథానాయకుడిగా నటిస్తున్నారు. అరుణ్‌రాజ కామరాజ్‌ దర్శకుడు. బోనీకపూర్‌ సమర్పకుడిగా వ్యవహరిస్తున్నారు. ఈ సినిమాలో శివానీరాజశేఖర్‌ కీలక పాత్రలో నటించనుందని సమాచారం.