మళ్లీ విప్పి చూపేందుకు సిద్ధమైన పాయల్ రాజ్‌పుత్... ఆర్‌డీఎక్స్ ప్రారంభం

'ఆర్ఎక్స్ 100' చిత్రంతో టాలీవుడ్ వెండితెరకు పరిచయమైన హీరోయిన్ పాయల్ రాజ్‌పుత్. ఈ చిత్రంలో ఈ అమ్మడు నెగెటివ్ పాత్రలో నటించి అదరగొట్టింది. పైగా, అందాలను విచ్చలవిడిగా ఆరబోసి... యువత పిచ్చెక్కిపోయేలా చేసింది. ఈ చిత్రం సూపర్ హిట్ కావడంతో అటు నిర్మాతలకు కాసుల వర్షం కురిపించింది. అలాగే, హీరోయిన్‌గా పాయల్‌కు మంచి గుర్తింపును తెచ్చిపెట్టింది. 

ఆ తర్వాత ఈ అమ్మడు తన కెరియ‌ర్‌లో ఆచితూచి అడుగులు వేస్తోంది. ఇటు తెలుగు, అటు త‌మిళ సినిమాల‌ని సెల‌క్టివ్‌గా ఎంపిక చేసుకుంటుంది. "డిస్కోరాజా" చిత్రంలో మాస్ మహారాజ్ ర‌వితేజ స‌ర‌స‌న క‌థానాయిక‌గా న‌టించ‌నున్న ఈ అమ్మ‌డు వెంకీ మామ‌లో వెంక‌టేష్‌తో జోడీ క‌ట్టింది. 

ఇక ఇప్పుడు పాయ‌ల్ రాజ్‌పుత్ ప్ర‌ధాన పాత్ర‌లో తెరకెక్క‌నున్న "ఆర్‌డీఎక్స్" చిత్రం గ్రాండ్‌గా లాంచ్ అయింది. శంక‌ర్ భాను ద‌ర్శ‌క‌త్వంలో తెరకెక్క‌నున్న ఈ చిత్రానికి ర‌థన్ మ్యూజిక్ అందించ‌నున్నారు. సీకే ఎంట‌ర్‌టైన్‌మెంట్స్‌, హ్యాపీ మూవీస్ సంయుక్తంగా ఈ చిత్రాన్ని నిర్మిస్తున్నాయి.