Udaya Bhanu: నెగెటివ్ అవతార్‌లో ఉదయభాను.. సత్యరాజ్ బర్బారిక్‌‌లో..?

సుమ, ఝాన్సీ, రష్మీ, శిల్పా చక్రవర్తి, అనసూయ వంటి వారు అదృష్టాన్ని పరీక్షించుకోవడానికి టెలివిజన్ యాంకర్లు తరచుగా వెండితెరపైకి ప్రవేశించారు. ఉదయభాను తన టాలెంట్‌లోని కొత్త కోణాన్ని ఆవిష్కరించేందుకు సిద్ధమవుతోంది. ప్రముఖ నటుడు సత్యరాజ్ ప్రధాన పాత్రలో రానున్న బర్బారిక్ చిత్రంలో ఆమె విలన్‌గా తనదైన ముద్ర వేయనుంది. 

శ్రీవత్స దర్శకత్వం వహించిన ఈ చిత్రం పాన్-ఇండియాగా విడుదల చేయనున్నారు. ఉదయ భానుని మునుపెన్నడూ చూడని నెగెటివ్ అవతార్‌లో చూడనున్నారు. విజయ్ సేతుపతి మహారాజా స్టైల్లో సాగే కథ ఇది అని తెలుస్తుంది.  

ఒకప్పుడు స్టార్ యాంకర్‌గా ఓ వెలుగు వెలిగింది ఉదయ భాను. అంతేకాదు అత్యధిక పారితోషికం అందుకున్న మొదటి యాంకర్‌గా కూడా ఉదయ భాను రికార్డులకెక్కింది. వన్స్‌మోర్ ప్లీజ్, సాహసం చేయరా డింభకా, జానవులే నెరజాణవులే, నీ ఇల్లు బంగారంగానూ వంటి షోలతో ఈమె పాపులర్ అయిన సంగతి తెలిసిందే.