సందీప్ కిష‌న్ హీరోగా విజయ్ సేతుప‌తి స్పెష‌ల్ యాక్ష‌న్ రోల్‌ను చేస్తున్న సినిమా ‘మైఖేల్’. శ్రీ వెంక‌టేశ్వ‌ర సినిమాస్ ఎల్ఎల్‌పి భారీ చిత్రాల‌కు సంబంధించి ప్ర‌క‌ట‌న చేసిన సంగ‌తి తెలిసిందే. ఈ క్ర‌మంలో శుక్రవారం అనే భారీ సినిమా అనౌన్స్‌మెంట్ చేశారు. మ‌రో నిర్మాణ క‌ర‌ణ్ సి ప్రొడ‌క్ష‌న్స్ ఎల్ఎల్‌పితో క‌లిసి ఈ భారీ యాక్ష‌న్ ఎంట‌ర్‌టైన‌ర్‌ను రూపొందించ‌నున్నారు.
నిర్మాత సునీల్ నారంగ్ పుట్టిన‌రోజు సంద‌ర్భంగా ‘మైఖేల్’ చిత్రాన్ని అధికారికంగా ప్ర‌క‌టిస్తూ టైటిల్ పోస్టర్ను విడుదల చేశారు. ఈ పోస్టర్ను చూస్తుంటే సినిమాలో మైఖేల్ అనే ప‌వ‌ర్‌ఫుల్ పాత్ర‌లో సందీప్ కిష‌న్ న‌టించ‌బోతున్నార‌ని అర్థ‌మ‌వుతుంది.
పోస్టర్ను గ‌మ‌నిస్తే.. సందీప్ కిష‌న్ ఓ చేతికి బేడీలు త‌గిలించి ఉన్నారు. అలాగే సందీప్ మ‌రో చేతిలో న‌క‌ల్స్ (ఇనుముతో చేసిన ఆయుధం)ను ప‌ట్టుకుని ఉన్నాడు. అత‌ని చేతుల‌కు, ష‌ర్టుకు ర‌క్తం అంటుకుని ఉంది. పోస్టర్ను చూస్తుంటే మైఖేల్ సినిమా ఔట్ అండ్ ఔట్‌యాక్ష‌న్ మూవీగా అనిపిస్తుంది. సందీప్ కిష‌న్ ఇలాంటి పాత్ర‌లో న‌టించ‌డం ఇదే తొలిసారి.
పాన్ ఇండియా రేంజ్‌లో రూపొంద‌నున్న ఈ చిత్రాన్ని రంజిత్ జెయ‌కోడి తెర‌కెక్కిస్తున్నారు. తెలుగు, త‌మిళ, క‌న్న‌డ, మ‌ల‌యాళ, హిందీ భాష‌ల్లో సినిమా సిద్ధ‌మ‌వుతుంది. ద‌ర్శ‌కుడు రంజిత్ ఓ డిఫ‌రెంట్ స్క్రిప్ట్‌ను ప్రిపేర్ చేశారు. ఈ సినిమాలో న‌టించ‌బోయే న‌టీన‌టులు, సాంకేతిక నిపుణుల‌కు ఇదొక స్పెష‌ల్ మూవీగా నిలుస్తుంద‌నిపిస్తుంది.
భారీ స్కేల్‌లో రూపొంద‌బోయే మైఖేల్ చిత్రాన్ని నారాయ‌ణ్ దాస్ కె.నారంగ్ స‌మ‌ర్ప‌ణ‌లో భ‌ర‌త్ చౌద‌రి, పుస్కూరు రామ్మోహ‌న్ రావు నిర్మిస్తున్నారు. త్వ‌ర‌లోనే ఈ చిత్రంలో న‌టించ‌బోయే ఇత‌ర న‌టీన‌టులు, సాంకేతిక నిపుణుల వివ‌రాల‌ను ప్ర‌క‌టించ‌నున్నారు.