బ‌యోపిక్‌ల ప‌ర్వంలో బ్యాడ్మింటన్ సైనా నెహ‌వాల్ సినిమా వ‌చ్చేస్తుంది. చాలాకాలంగా సైనా పేరుతో సినిమా రూపొందుతోదంటూ ప్ర‌చారం జ‌రిగింది. ర‌క‌ర‌కాల కార‌ణాల‌తో సైనా పాత్ర‌ను శ్ర‌ధ్దా క‌పూర్ చేస్తున్న‌ట్లు కూడా వ‌చ్చింది. త‌ర్వాత సినిమా ఆగిపోయింది. ఆ త‌ర్వాత మ‌ర‌లా షూట్ మొద‌లైంది. ఇప్పుడు ష‌డెన్‌గా సైనా విడుద‌ల‌కు సిద్ధ‌మైందంటూ నిర్మాణ సంస్థ సోష‌ల్‌మీడియాలో పెట్టింది. టీసిరీస్‌, ఫ్రంట్ ఫూట్ పిక్చ‌ర్స్ నిర్మిస్తున్న ఈ సినిమాలో సైనా పాత్ర‌ను ప‌రిణితి చోప్రా న‌టించింది. హిందీ, తెలుగు భాష‌ల్లో ఈ సినిమా విడుద‌ల కాబోతుంది. అమోల్ గుప్త దీనికి ద‌ర్శ‌కుడు. ఈ సినిమాకు న‌లుగురు నిర్మాత‌లు. క‌రోనా స‌మ‌యంలో ఈ సినిమా విడుద‌ల‌కావాల్సింది. కానీ ఆ సినిమాను అప్ప‌టికి వాయిదా వేశారు. పోస్ట్‌ప్రొడ‌క్ష‌న్ ప‌నులు కూడా పూర్తికాలేదు. ఎట్ట‌కేల‌కు మార్చి 26న సినిమా విడుద‌ల‌కాబోతున్న‌ట్లు తెలుస్తోంది. ఈ బ‌యోపిక్‌లో ఆమె గురువు గోపీచంద్ పాత్ర‌కూడా వుంటుంద‌ని తెలుస్తోంది.