మీడియాకి షాక్ ఇచ్చిన శైల‌జారెడ్డి అల్లుడు..!

అక్కినేని నాగచైతన్య నటించిన తాజా చిత్రం శైలజారెడ్డి అల్లుడు. యువ ద‌ర్శ‌కుడు మారుతి ఈ చిత్రానికి ద‌ర్శ‌క‌త్వం వ‌హించారు. అను ఇమ్మాన్యుయేల్‌ కథానాయికగా నటించారు. ప్రముఖ నటి రమ్యకృష్ణ శైలజారెడ్డి పాత్రను పోషించడం.. వినాయక చవితి సందర్భంగా ఈ సినిమా రిలీజ్

అక్కినేని నాగచైతన్య నటించిన తాజా చిత్రం శైలజారెడ్డి అల్లుడు. యువ ద‌ర్శ‌కుడు మారుతి ఈ చిత్రానికి ద‌ర్శ‌క‌త్వం వ‌హించారు. అను ఇమ్మాన్యుయేల్‌ కథానాయికగా నటించారు. ప్రముఖ నటి రమ్యకృష్ణ శైలజారెడ్డి పాత్రను పోషించడం.. వినాయక చవితి సందర్భంగా ఈ సినిమా రిలీజ్ కావ‌డంతో భారీ అంచ‌నాలు ఏర్ప‌డ్డాయి. అయితే.. సినీ విమ‌ర్శ‌కులకు ఈ సినిమా అంత‌గా న‌చ్చ‌లేదు. దీంతో ఈ సినిమాకి నెగిటివ్ రివ్యూస్ వ‌చ్చాయి. సినీ విశ్లేష‌కులు శైల‌జారెడ్డి అల్లుడు ప్రేక్ష‌కుల‌ను ఆక‌ట్టుకోవ‌డం క‌ష్ట‌మే అనుకున్నారు.

అయితే.. మీడియాకి షాక్ ఇచ్చేలా రికార్డు స్థాయి క‌లెక్ష‌న్స్ వ‌సూలు చేస్తున్నాడు శైల‌జారెడ్డి అల్లుడు. ఈ చిత్రం తెలుగు రాష్ట్రాల్లో రూ.6.93 కోట్లు వసూళ్లు రాబట్టినట్లు సినీ విశ్లేషకులు వెల్లడించారు. నాగ చైతన్య కెరీర్‌లో తొలి రోజున అత్యధిక వసూళ్లు రాబట్టిన చిత్రమిదేనని అంటున్నారు. అంతేకాకుండా ఈ సంవ‌త్స‌రంలో తెలుగు రాష్ట్రాల్లో మంచి వసూళ్లతో ప్రారంభమైన చిత్రాల్లో శైలజారెడ్డి అల్లుడు ఒకటి కావ‌డం విశేషం. ఫ‌స్ట్ డే 12 కోట్లు గ్రాస్ వ‌సూలు చేయ‌డం మ‌రో విశేషం.

నైజాం: రూ.2.50 కోట్లు, సీడెడ్‌: రూ.1.04 కోట్లు, యూఏ: రూ.82 లక్షలు, తూర్పు గోదావరి: రూ.72 లక్షలు, పశ్చిమ గోదావరి: రూ.42 లక్షలు, కృష్ణా: రూ.40 లక్షలు, నెల్లూరు: రూ.23 లక్షలు, గుంటూరు: రూ.80 లక్షలు,మొత్తం ‌: రూ.6.93 కోట్లు షేర్ సాధించి సెన్సేషన్ క్రియేట్ చేసాడు. అది కూడా నెగిటివ్ టాక్‌తో. ఇక హిట్ టాక్ వ‌చ్చుంటే ఎలా ఉండేదో..?