#HBDMadhubala 'తలైవి' చిత్రం నుంచి 'రోజా' హీరోయిన్ ఫస్ట్ లుక్

బాలీవుడ్ స్టార్ హీరోయిన్ కంగనా రనౌత్ ప్రధాన పాత్రలో దివంగత ముఖ్యమంత్రి జయలలిత జీవిత చరిత్ర ఆధారంగా తెరకెక్కిన చిత్రం తలైవి. ఈ చిత్రంలో రోజా మూవీలో నటించిన మధుబాల కీలక పాత్రలో నటించింది. ఎంజీఆర్ భార్య జానకీ రామచంద్రన్ పాత్రలో మధుబాల నటిస్తోంది. ఈరోజు మధుబాల పుట్టినరోజు సందర్భంగా ఫస్ట్ లుక్ విడుదల చేసారు.

View this post on Instagram

A post shared by Thalaivi (@thalaivithefilm)

కాగా తలైవి చిత్రం ట్రైలర్‌ను కంగనా రనౌత్ పుట్టిన రోజును పురస్కరించుని ఇటీవల చెన్నైలో రిలీజ్ చేశారు. తెలుగు, తమిళ, హిందీ భాషల్లో రిలీజ్ చేయగా, ఈ ట్రైలర్ అదిరిపోయింది. ఇందులో జయలలిత పాత్రలో కంగనా రనౌత్ అద్భుతంగా నటించింది. బాలీవుడ్‌లో ఎన్నో ఛాలెంజింగ్ పాత్రలు పోషించి తనకంటు ఒక సపరేట్ ఇమేజ్ అండ్ పాపులారిటీని సంపాదించుకున్న కంగనా.. తాజాగా 'తలైవి' సినిమాలో తన అత్యద్భుత నటనను ప్రదర్శించి, ఈ చిత్రాన్ని మరో స్థాయికి తీసుకెళ్లింది.

లెజెండరీ రచయిత విజయేంద్ర ప్రసాద్ రచన, దర్శకుడు విజయ్ తెరకెక్కించిన విధానం విపరీతంగా ఆకట్టుకుంటున్నాయి. కంగనా తన స్క్రీన్ ప్రెజెన్స్‌తో ఆ లెజెండరీ పర్సనాలిటీని మరిపించి ఇన్నాళ్ళు కొందరిలో ఉన్న అనుమానాలను పటా పంచలు చేసింది. 

ఇక దివంగత ఎంజి.రాచమంద్రన్ పాత్రలో అరవింద స్వామి జీవించారు. ఈ సినిమాకు ఆయన పాత్ర పెద్ద ప్లస్ పాయింట్ అని చెప్పాలి. ఇక 'తలైవి' ఏప్రిల్ 23న భారీ స్థాయిలో ప్రపంచ వ్యాప్తంగా ప్రేక్షకుల ముందుకు తీసుకు రాబోతున్నారు. ఈ చిత్రానికి జీవీ ప్రకాష్ సంగీతం సమకూర్చారు. తన సంగీతంతో ఈ చిత్రంలోని ఎమోషనల్ సన్నివేశాలకు ప్రాణం పోశారు.