విశ్వ నటుడు కమల్ హాసన్, సెన్సేషనల్ దర్శకుడు శంకర్ కాంబినేషన్‌లో వచ్చిన ఇండియన్-2 చిత్రం బాక్సాఫీస్ వద్ద బోల్తాపడింది. ముఖ్యంగా, చిత్రంలోని పలు డైలాగులు వివాదాస్పదమయ్యాయి. ముఖ్యంగా వీధి కుక్కలపై ఉన్న డైలాగ్ కాంట్రావర్సీకి కారణమైంది. దీనిపై నెట్టింట పలువురు ఇప్పటికే ఆగ్రహం వ్యక్తం చేశారు.
తాజాగా ఇదే విషయమై ప్రముఖ సినీ నటి రేణు దేశాయ్ సోషల్ మీడియా వేదికగా మండిపడ్డారు. అసలు రైటర్స్ ఇలాంటి సంభాషణలు ఎలా రాస్తారో అని ఆమె కోపగించుకున్నారు. అందుకే ఈ మూవీ ఫ్లాప్ అయినందుకు చాలా సంతోషంగా ఉందని ఆమె పేర్కొన్నారు.
ఈ మూవీలోని కమల్ హాసన్ వీధి కుక్కలను కించపరిచే విధంగా చెప్పే డైలాగ్ తాలూకు క్లిప్‌ను ఆమె ఇన్‌స్టాగ్రామ్‌ వేదికగా షేర్ చేశారు. ఆ క్లిప్‌లు "ఇలాంటి సినిమాలు ఫ్లాప్ అయినందుకు నిజంగా సంతోషిస్తున్నాను. ఈ ఇడియట్ రైటర్స్ ఎలా రాస్తారు ఇలాంటి డైలాగ్స్? అసలు వాళ్లకి ఏమైంది?" అని ఆమె ఈ పోస్టికి క్యాప్షన్ ఇచ్చారు. దాంతో రేణు దేశాయ్ పోస్ట్ ఇప్పుడు సామాజిక మాధ్యమాల్లో వైరల్ అవుతోంది.