వైవిధ్య‌మైన చిత్రాల‌ను తెర‌కెక్కిస్తూ త‌న‌కంటూ ఓ ప్ర‌త్యేక ఏర్ప‌రుచుకున్న డైరెక్ట‌ర్ రవిబాబు. అవును, అన‌సూయ, అవును 2..ఇలా స‌స్పెన్స్ థ్రిల్ల‌ర్స్ అందించే రవిబాబు ఇటీవ‌ల తెర‌కెక్కించిన అదుగో చిత్రం ఏమాత్రం ఆక‌ట్టుకోలేక‌పోయింది. దీంతో స‌క్స‌స్ కోసం మ‌రో ప్ర‌య‌త్నం మొద‌లు పెట్టాడు. ఈసారి కూడా అ తో స్టార్ట్ అయ్యే టైటిల్ పెట్ట‌డం విశేషం. నూతన సంవత్సర కానుకగా ఈ విభిన్న చిత్రాల దర్శకుడు, నటుడు రవిబాబు తన కొత్త చిత్రాన్ని ప్రకటించారు.
ఈ చిత్రానికి ఆవిరి టైటిల్ కన్ఫర్మ్ చేశారు రవిబాబు. కొత్త సంవత్సరం కానుకగా కాన్సెప్ట్ పోస్టర్ విడుదల చేశారు. విభిన్నంగా ఉన్న ఈ పోస్టర్ సినిమా పై అంచనాలు పెంచేసింది. ఇది ఒక ఆఫ్ బీట్ చిత్రమని.. త్వరలోనే చిత్ర వివరాలను, నటీనటులను ప్రకటిస్తామని తెలిపారు. మరికొన్ని రోజుల్లోనే వీటి వివరాలు బయటకు రానున్నాయి. ఫ్లయింగ్ ఫ్రాగ్స్ బ్యానర్ పై రవిబాబు ఈ చిత్రాన్ని నిర్మిస్తున్నారు. మ‌రి... ఈ సినిమా అయినా ర‌విబాబుకు ఆశించిన విజయాన్ని అందిస్తుంద‌ని ఆశిద్దాం.