శ్రీ విష్ణు న‌టించిన‌ అల్లూరి ప్రీ లుక్ విడుద‌ల చేసిన‌ రవితేజ

Alluri look

వైవిధ్యమైన పాత్రలు పోషిస్తూ శ్రీవిష్ణు నటుడిగా తనకంటూ ప్రత్యేకమైన గుర్తింపు పొందారు.

శ్రీవిష్ణు ప్రస్తుతం సక్సెస్ ఫుల్ నిర్మాణ సంస్థ లక్కీ మీడియా పై బెక్కెం వేణు గోపాల్, బెక్కెం బబిత నిర్మిస్తున్న కొత్త చిత్రంలో ప్రదీప్ వర్మ దర్శకత్వంలో నటిస్తున్నారు. ఈ చిత్రం భిన్నమైన కథాంశంతో రూపొందించబడుతోంది.

కాగా, అల్లూరి అనే పవర్ ఫుల్ టైటిల్ తో రూపొందుతున్న ఈ సినిమా ప్రీ లుక్ ను మాస్ మహారాజా రవితేజ విడుదల చేశారు. టైటిల్ లోగోలో రెండు తుపాకులు కనిపిస్తున్నాయి. విష్ణు ముఖం కనిపించనప్పటికీ, శ్రీవిష్ణు ఖాకీ దుస్తులలో కనిపిస్తాడు. మరియు పోస్టర్ సూచించినట్లుగా పవర్ఫుల్ యాక్షన్ డ్రామాగా రూపొందించబడుతున్న ఈ చిత్రంలో సిన్సియర్ పోలీసుగా ఉన్నాడు.  యూనిఫామ్లో కనిపించిన విధంగా సినిమాలో అతని పేరు ఎ.ఎస్ . రామరాజు.

ఇది గొప్ప పోలీసు ఆఫీసర్ కథ, ఇంతవరకు శ్రీవిష్ణు చేయనటువంటి పోలీసుగా కనిపించనున్నారు.ఈ ప్రీ లుక్ పోస్టర్ ఆకట్టుకోవడంతో పాటు సినిమాపై క్యూరియాసిటీ ని పెంచుతోంది.

శ్రీవిష్ణు సరసన కయ్యదు లోహర్ హీరోయిన్ గా నటిస్తున్న ఈ చిత్రానికి హర్షవర్ధన్ రామేశ్వర్ సంగీతం, రాజ్ తోట సినిమాటోగ్రఫీ అందిస్తున్నారు. ధర్మేంద్ర కాకరాల ఎడిటర్. నాగార్జున వడ్డే (అర్జున్), ఎం విజయ లక్ష్మి మరియు గంజి రమ్య సహ నిర్మాతలు.

అల్లూరి షూటింగ్ చివరి దశలో ఉంది మరియు త్వరలో మేకర్స్ విడుదల తేదీని ప్రకటిస్తారు.