హీరో మహేష్‌బాబు, త్రివిక్రమ్‌ శ్రీనివాస్‌ కాంబినేసన్‌లో రూపొందుతోన్న చిత్రం తాజా షెడ్యూల్‌ కు ముహూర్తం ఖరారైంది. జనవరి 18న బుధవారం నుంచి హైదరాబాద్‌ శివార్లో ప్రారంభించ నున్నారు. తొలుత యాక్షన్‌ సన్నివేశాలను చిత్రీకరించనున్నారు. ఫైట్‌ మాస్టర్లు రామ్‌ లక్ష్మణ్‌ ఆధ్వర్యంలో జరగబోతోంది. అంతకు ముందు కూడా యాక్షన్‌ సన్నివేశాలను మొదటి సారి తీశారు. ఇది రెండో సారి. ఇక సంక్రాంతి యాక్షన్‌ హీరోలుగా రామ్‌ లక్ష్మణ్‌కు పేరు వచ్చేసింది. వాల్తేరువీరయ్యలోనూ, వీరసింహారెడ్డి సినిమాల్లోనూ స్టయిలిష్‌ యాక్షన్‌ దృశ్యాలు తీశారు.
ముఖ్యంగా బాలకృష్ణ కుర్చీలో కూర్చొని పెండ్లి మండపం దగ్గర చేసే యాక్షన్‌ కు ప్రేక్షకుల్లో ఆదరణ లభించింది. అందుకే మహేష్‌బాబు సినిమాకు కూడా తగు జాగ్రత్తలు తీసుకుని చేయనున్నట్లు తెలియజేస్తున్నారు. మహేష్‌బాబు ఫైట్స్‌ అంటే అందరికీ తెలిసిందే. రష్‌గా కాకుండా స్టయిలిస్‌గా వుంటాయి. సినిమా సినిమాకు వేరియేషన్‌ చూపాలని మా అసిస్టెంట్లను, కెమెరామెన్‌, దర్శకుడు, హీరోలతోపాటు లైట్‌ బాయ్‌నుకూడా అడిగి నచ్చితే అప్లయి చేస్తామని రామ్‌ లక్ష్మణ్‌లు పేర్కొన్నారు. హారిక అండ్‌ హాసిని క్రియేషన్స్‌ బ్యానర్ పై ఈ సినిమా రూపొందుతోంది. త్వరలో మరిన్ని వివరాలు తెలియనున్నాయి.