అందులో లక్ష్మీపార్వతి విషయాలన్నీ వుంటాయ్... వర్మ(వీడియో)

ఇప్పుడు ఎక్కడ చూసినా లక్ష్మీస్ ఎన్టీఆర్ సినిమాపైనే ఆసక్తికర చర్చ జరుగుతోంది. సంచలన దర్శకుడు రాంగోపాల్ వర్మ చిత్రించనున్న సినిమాలో ఎన్ని మలుపులో ఉంటాయో చెప్పనక్కర్లేదు. అందులోను లక్ష్మీపార్వతితో పాటు నందమూరి తారకరామారావు చరిత్ర మొత్తాన్ని ఈ సినిమాలో చ

ఇప్పుడు ఎక్కడ చూసినా లక్ష్మీస్ ఎన్టీఆర్ సినిమాపైనే ఆసక్తికర చర్చ జరుగుతోంది. సంచలన దర్శకుడు రాంగోపాల్ వర్మ చిత్రించనున్న సినిమాలో ఎన్ని మలుపులో ఉంటాయో చెప్పనక్కర్లేదు. అందులోను లక్ష్మీపార్వతితో పాటు నందమూరి తారకరామారావు చరిత్ర మొత్తాన్ని ఈ సినిమాలో చూపిస్తామని ఇప్పటికే రాంగోపాల్ వర్మ చెప్పారు. తాజాగా చిత్తూరు జిల్లా పలమనేరులో పర్యటించిన రాంగోపాల్ వర్మ నిర్మాత రాకేష్‌ రెడ్డితో కలిసి మీడియా సమావేశంలో పాల్గొన్నారు. లక్ష్మీపార్వతి గురించి అన్ని విషయాలు సినిమాలో ఉంటాయని చెబుతూనే కొన్ని ఆసక్తికర వ్యాఖ్యలు చేశారు రాంగోపాల్ వర్మ. 

ఎన్‌టిఆర్ జీవితం మహాభారత ఘట్టం లాంటిదన్నారు వర్మ. ఎన్‌టిఆర్ జీవితంలో ఎన్నో ఘట్టాలున్నాయని మొత్తంగా ఆయన గురించి చెప్పాలంటే 20 సినిమాలు చేయాలన్నారు రాంగోపాల్ వర్మ. ఎన్‌టిఆర్ చరిత్రను ఒకే సినిమాలో మొత్తం చరిత్ర వచ్చేటట్లుగా చిత్రీకరించనున్నట్లు చెప్పారు. నిర్మాత రాకేష్‌ రెడ్డి వైసిపి నాయకుడన్న విషయం తనకు తెలియదని, తాను రాజకీయ నాయకుడిని కాదని, సినిమాను సినిమాగానే తీస్తాను తప్ప ఇందులో కల్పితాలు ఉండవన్నారు. 

సినిమా అనేది కొంతమందికి నచ్చొచ్చు.. మరికొంతమందికి నచ్చకపోవచ్చు అంతమాత్రాన అందరికి నచ్చే విధంగా సినిమా తీయడం తన వల్ల కాదన్నారు. లక్ష్మీస్ ఎన్‌టిఆర్ సినిమాలో హీరోహీరోయిన్లు ఇంతవరకు ఎవరనేది నిర్ణయించుకోలేదని, మార్చి నెలలో షూటింగ్ ప్రారంభమై అక్టోబర్ నెలలో సినిమాను పూర్తి చేస్తామన్నారు. వీడియో చూడండి...