అర్జున్ రెడ్డి సినిమా టాలీవుడ్‌లో సంచలనం సృష్టిస్తోంది. విడుదలకు ముందే ఈ సినిమాను వివాదాలు చుట్టుముట్టాయి. అయితే రిలీజ్‌కు తర్వాత ఆ వివాదాలు కాస్త మాయమయ్యాయి. విజయ్ దేవరకొండ, షాలిని పాండే హీరోహీరోయిన్
అర్జున్ రెడ్డి సినిమా టాలీవుడ్‌లో సంచలనం సృష్టిస్తోంది. విడుదలకు ముందే ఈ సినిమాను వివాదాలు చుట్టుముట్టాయి. అయితే రిలీజ్‌కు తర్వాత ఆ వివాదాలు కాస్త మాయమయ్యాయి. విజయ్ దేవరకొండ, షాలిని పాండే హీరోహీరోయిన్లుగా నటించిన అర్జున్ రెడ్డి సినిమా ప్రేక్షకుల మదిని దోచుకోవడంతో పాటు ఓవర్సీస్ బాక్సాఫీసు దుమ్ముదులుపుతోంది.
యువతకు బాగా కనెక్ట్ అయిన ఈ సినిమా భారీ కలెక్షన్లను రాబడుతోంది. ఓవర్సీస్‌లో ప్రీమియర్ షోతో పాటు, మొదటి రోజు కలెక్షన్లను కలిపి 4లక్షల 60వేల డాలర్లును 'అర్జున్ రెడ్డి' రాబట్టింది. దీంతో అల్లు అర్జున్ సరైనోడు, నాని నిన్నుకోరి, చెర్రీ ధృవ సినిమాలను అర్జున్ రెడ్డి వెనక్కి నెట్టాడు.
ఇకపోతే అర్జున్ రెడ్డి వివాదాల్లో చిక్కుకున్న తరుణంలో అండగా నిలిచిన వివాదాస్పద దర్శకుడు రామ్ గోపాల్ వర్మ తాజాగా స్పందించాడు. సినీన‌టుడు పవన్ కల్యాణ్ కన్నా ‘అర్జున్ రెడ్డి’ సినిమా హీరో విజయ్ దేవరకొండ పది రెట్లు బెటరని వర్మ ఫేస్‌బుక్ ఖాతాలో కామెంట్ చేశాడు. దీంతో మళ్లీ పవన్‌పై వర్మ వివాదాస్పద వ్యాఖ్యలు చేశాడు.
అర్జున్ రెడ్డి సినిమాను మెచ్చుకుంటూ ఫేస్‌బుక్‌లో పెద్ద వ్యాసం రాసిన వర్మ.. అందులో పవన్‌ను దేవరకొండతో పోల్చుతూ హెడ్డింగ్ పెట్టాడు. విజయ్ దేవరకొండ నేచురల్‌గా నటించిన తీరు అద్భుతమని ప్రశంసల జల్లు కురిపించాడు.