గ్లోబల్ స్టార్ రామ్ చరణ్ తన కుటుంబంతో కలిసి సంక్రాంతి పండుగ జరుపుకున్నారు. రామ్ చరణ్ భార్య ఉపాసన, తాను, రామ్ చరణ్, వారి కుమార్తె క్లిన్ కారాతో కలిసి ఉన్న ఫోటోను సోషల్ మీడియాలో షేర్ చేశారు. ఈ చిత్రంతో పాటు, ఉపాసన అభిమానులకు సంక్రాంతి శుభాకాంక్షలు తెలిపారు."మీ నిరంతర ప్రేమ, ఆప్యాయతకు ధన్యవాదాలు" అని ఉపాసన తన పోస్ట్‌లో పేర్కొంది. ఈ ఫోటో ఆమె హృదయపూర్వక సందేశం సోషల్ మీడియాలో వైరల్ అయ్యాయి. ఈ పోస్టుపై స్పందించిన అభిమానులు కుటుంబానికి శుభాకాంక్షలు తెలిపారు.
ఇప్పటికే రామ్ చరణ్ తాజా చిత్రం గేమ్ ఛేంజర్ జనవరి 10న విడుదలైంది. ఈ సినిమా కలెక్షన్ల పరంగా అదరగొడుతోంది. థియేటర్లలో విజయవంతంగా ప్రదర్శితమవుతోంది.
అలాగే గేమ్ చేంజర్ సినిమా ఫలితంపై తాజాగా రామ్ చరణ్ స్పందించారు. ఆయన సోషల్ మీడియాలో అభిమానులకు, మీడియాకి, ఆడియెన్స్‌కి థ్యాంక్స్ చెబుతూ నోట్‌ విడుదల చేశారు.
ఈ సంక్రాంతికి తన హృదయం ఆనందంతో నిండిపోయిందని, గేమ్ ఛేంజర్ సినిమా కోసం మేం పడ్డ కష్టం కనిపిస్తుందని, ఈ సందర్భంగా మనస్ఫూర్తిగా నా చిత్ర బృందానికి, నటీనటులు, టెక్నీషియన్లకి, ఈ సినిమా సక్సెస్‌లో భాగమైన వారికి ధన్యవాదాలు అని తెలిపారు చరణ్.