జాకీ భగ్నానీతో వివాహమా? నా కొడుకు గే అని తెలిస్తే..?: రకుల్

బాలీవుడ్‌లో జాకీ భగ్నానీతో రకుల్ ప్రీత్ సింగ్ వివాహం జరగనున్నట్లు వార్తలు వచ్చాయి. ఈ వార్తలను రకుల్ ప్రీత్ సింగ్ ఖండించింది. తాజాగా రకుల్ ప్రీత్ సింగ్ గతంలో ఆమె చేసిన వ్యాఖ్యలు నెట్టింట హాట్ టాపిక్‌గా మారాయి. తన కొడుకు ఒకవేళ గే అని తెలిస్తే అతడి చెంప పగలగొడతాను అని ఆమె చెప్పిన మాటలు ఇప్పుడు సోషల్ మీడియాలో వైరలవుతున్నాయి.

2011లో మిస్ ఇండియా అందాల పోటీల్లో పాల్గొన్న రకుల్‌కు.. ఒకవేళ మీ కొడుకు గే అని తెలిస్తే ఏం చేస్తారు అని ప్రశ్నించగా.. రకుల్ స్పందిస్తూ.. "ఒకవేళ నా కుమారుడు గే అయితే.. ఆ విషయం తెలిసిన వెంటనే షాకవుతాను. వెంటనే అతడి చెంప పగలకొడతాను. కానీ ఆ తర్వాత దాని గురించి ఆలోచిస్తాను. అతడి నిర్ణయాన్ని గౌరవించి.. తనకు మద్దతుగా నిలబడతాను." అంటూ చెప్పుకొచ్చింది. అంతేగాకుండా అతడికి ఎదురయ్యే సవాళ్లను పరిష్కరించడంలో సాయం చేస్తానని తెలిపింది. 

ముక్కుసూటి మనిషినని అలాగే వుండేందుకు ఇష్టపడతానని వెల్లడించింది. ప్రస్తుతం ఈ వ్యాఖ్యలకు సంబంధించిన వీడియో నెట్టింట వైరల్ అవుతోంది.