తమిళ సూపర్ స్టార్ రజనీకాంత్ హీరోగా నటిస్తున్న కబాలి సినిమా ట్రైలర్ రిలీజ్ అయ్యింది. పా రంజిత్ దర్శకత్వంలో రూపుదిద్దుకుంటున్న ఈ సినిమా ట్రైలర్‌ను పా రంజిత్ తన ట్విట్టర్ ఖాతా ద్వారా విడుదల చేస్తున్నట్లు వెల్లడించారు. అంతేగాకుండా కబాలి ట్రైలర్ వీడియోను ఫ్యాన్స్‌తో పంచుకున్నారు. ఈ ట్రైలర్‌ను వయసు మీద పడిన డాన్ అవతారంలో రజనీకాంత్ కనిపించారు.
అయినప్పటికీ లుక్‌లో ఎలాంటి స్టైల్ తగ్గకుండా రంజిత్ తెరకెక్కించారు. ఈ ట్రైలర్‌కు ప్రస్తుతం సోషల్ మీడియాలో మంచి క్రేజ్ వస్తోంది. ఇకపోతే.. కబాలిలో రజనీకాంత్‌కు జంటగా రాధికా ఆప్టే నటించగా, కలైపులి ఎస్‌. థాను ఈ చిత్రాన్ని నిర్మించారు. ఇంకా సినిమాలో నాజర్, రోషన్, దినేష్ రవి, ధన్సిక, కలైయరసన్, జాన్ విజయ్, కిషోర్ తదితరులు నటిస్తున్నారు.