దర్శకధీరుడు రాజమౌళితో సినిమా చేయాలని చాలామంది హీరోలు, నిర్మాతలు కోరుకుంటున్నారు. టాలీవుడ్ లోనే కాకుండా బాలీవుడ్లో సైతం రాజమౌళితో వర్క్ చేయడం కోసం వెయిట్ చేస్తున్నారు. రాజమౌళితో సినిమా సెట్ అయితే.. కాంబినేషన్ సెట్ అయినట్టే.. అనుకుంటారు బాగానే ఉంది. మరి.. రాజమౌళి ఏ కాంబినేషన్లో మూవీ చూడాలనుకుంటున్నారో తెలుసా?
ఇదే విషయం గురించి అడిగితే... మెగాస్టార్ చిరంజీవి - పవర్ స్టార్ పవన్ కళ్యాణ్ ఈ ఇద్దరి కాంబినేషన్లో సినిమా చూడాలనుకుంటున్నాను అని చెప్పారు.
అవును.. నిజంగా జక్కన్న ఈ విషయాన్ని ఓ న్యూస్ ఛానల్‌కి ఇచ్చిన ఇంటర్వ్యూలో చెప్పారు. ఎన్టీఆర్ - రామ్ చరణ్ ఈ ఇద్దరి కాంబినేషన్లో సినిమా సెట్ చేసింది మీరే కాదా.. మరి.. చిరు - పవన కాంబినేషన్‌ని కూడా మీరే సెట్ చేసి సినిమా చేయచ్చు కదా.. అంటే అలా జరగాలని కోరుకుందాం అన్నారు.
మరో విషయం ఏ చెప్పారంటే.. పవన్ కళ్యాణ్ ప్రస్తుతం రాజకీయాల్లో బిజీగా ఉండడం వలన సినిమాల్లో నటించడానికి ఓకే చెప్పినా చాలా తక్కువ టైమ్ ఇస్తున్నారు. నేనేమో ఎక్కువ టైమ్ తీసుకుంటాను.
అందుచేత ఇద్దరికీ సెట్ కాకపోవచ్చు అని చెప్పారు. కాకపోతే.. పవర్‌ఫుల్ రోల్ సెట్ అయితే.. పవన్ కళ్యాణ్‌తో చేయచ్చేమో అని చెప్పారు. ఆర్ఆర్ఆర్ తర్వాత మహేష్ బాబుతో సినిమా చేయనున్నానని ఎనౌన్స్ చేసారు. మరి.. భవిష్యత్‌లో అయినా పవన్‌తో జక్కన్న మూవీ ఉంటుందేమో చూడాలి.